Z pisanym programom chcemy sobotu, dnja 7.12.19 w 15 hodź. zakónčić INTERREG projekt Pólska – Sakska. W tutym projekće je so natočił dźěćacy widejowy přewodnik w pólšćinje. Na žurli předstaja so wurězki pólskeho šulskeho programa Šule „Tęcza” Zgorzelec, wurězki z musicla “Quo vadis – dokal dźeš?” Serbskeje wyšeje šule “Michał Hórnik” Worklecy a pólske kolędy skupiny “Rozmaryn”.

Wjeselće so na kulinariske speciality pólskeje kuchnje a dalšu zaběru!

Wobrazowe albumy połne dopomnjenkow

Wobrazy dokumentuja, dopominaja a su zdobom wažne žórła minjeneho časa. Zhromadnje listujemy we Wašich wosobinskich albumach a rěčimy wo stawiznach a dožiwjenjach.

referentka: Ilona Bierlingowa, museologowka

płaćizna: 4,50 € inkl. kofej a tykanc

17.30 hodź.: Zjawne wjedźenje po wosebitej wustajeńcy SORBIAN STREET STYLE w serbskej rěči

18 hodź.: Zjawne wjedźenje po wosebitej wustajeńcy SORBIAN STREET STYLE w němskej rěči

19 hodź.: Přednošk w němskej rěči “Mode & Tracht”, Eva Howitz, Lipsk

Hač toška, črije, šat abo debjenki, při wjedźenju po wosebitej wustajeńcy

SORBIAN STREET STYLE

móžeće hladać što je trend a što je serbska moda, a potom móžeće w Budyšinje na Romantica nakupować.

SORBIAN STREET STYLE

SERBSKI STREET STYLE

We wustajeńcy widźimy modu ze serbskimi elementami. Přizamknje so mała dźěłarnička, hdźež naćisnjemy a paslimy sami serbsku modernu drastu a debjenki abo kołkujemy łužiske mustry. Wuslědki móža so sobu domoj wzać. (přidatne wudawki 2,00 €)

Hdy? 15.10.2019 a 24.10.2019; 10 – 12 hodź.

Złota nazyma – rjana pyšerka

Z łopješkow a mnoho barbami stworimy sej nazymski wobraz, kołkujemy abo pomolujemy karty a twarimy mobile. Tak so nazyma pisani! Prošu přinjesće sej prasowane łopjena sobu. (přidatne wudawki 1 €)

Hdy? 17.10.2019 a 22.10.2019; 10 – 11.30 hodź.

Prosymy wo přizjewjenje pod 03591/270 870 11.

Dźěłarnički za młodostnych wot 10-18 hodź.

-> fotoshooting, styling, bodypainting, graffiti, urban dance, upcycling a zhotowjenje debjeńkow

Chcemy so kreatiwnje we wšelakich wěcach wuspytać a našu modernu serbsku kulturu tež tamnym pokazać. To spěchuje nowe kontakty a přećelstwa. Přeprošeni su młodostni z cyłeje Łužicy!

Na spočatku dóstanje kóždy při kasy swój nalěpk. Po postrowje na žurli w 10 hodź. slěduje zawod do dźěłarničkow. Cyły dźens je za kreatiwne dźěło, bjesady atd. mysleny. Připołdnju je wot 13-14 hodź wobjedowa přestawka z małym imbisom, štož je w popłatku (5 €) hižo nutřka. Štóž chce sej w času dźěłarničkow mini-přestawku popřeć a pohladać, što tamni činja, to rady móže.

Wjeršk dnja je w 16.30 hodź mytowanje wubědźowanja wo najrjeńši serbski t-shirt, kiž wuhotuje z nami młodźinska redakcija Satkule. Móžeće Waše naćiski abo fota t-shirtow na Satkulu słać, pak přez mejlku satkula@mdr.de, přez Facebook abo instagram, hłowna wěc, zo sće to sami naćisnyli. Přez voting so dobyćerjo zwěsća, 1.myto 300 €, 2.a 3.myto 100 €, tež tamnych wočakuje tróštne myto.

Noworjadowanje Europy po I.swětowej wójnje skićeše historisku šansu wutworjenja njewotwisneho serbskeho stata. Předstaja so zaměry, plany a postupowanje Serbskeho narodneho wuběrka pod nawodom Arnošta Barta – a čehodla hibanje naposledk zwrěšći.

referent: Alexander Pólk, płaćizna: 4,50 € inkl. kofej a tykanc

Kak wupada serbska moda za wšědny dźeń?

Moda wuspěšnych designerkow a designerow, dobyćerjow wubědźowanja SORBIAN STREET STYLE kaž tež serbskich gymnaziastow prezentuje so w tutej wustajeńcy. Na zakładźe elementow serbskich regionalnych drastow a łužiskeho ludoweho wuměłstwa nastachu modiske outfity a kolekcije. Wubědźowanje bě zhromadny projekt Ludoweje banki Drježdźany-Budyšin, Sakskeho centruma za kulturne a kreatiwne hospodarstwo a Serbskeho muzeja.

Powitanje: Christina Boguszowa direktorka Serbskeho muzeja

Postrowne słowa: prof. Martina Jess dekanka fakulty design při Fachowej wysokej šuli Drježdźany, předsydka jury wubědźowanja SORBIAN STREET STYLE

Zawod do wustajeńcy: Andrea Pawlikowa kuratorka

Eksperimentalna hudźba a pohibowa performance: Jakub Gruhl, Lipsk a Marthe Howitz, Berlin

• Kabinetna wustajeńca “Mólba – mój pisany pomnik”
• a prezentacija Jana Buka

Składnostnje Dnja wotewrjeneho pomnika pokaza Serbski muzej dźěła wubědźowanja “Mólba – mój pisany pomnik / Denk-Mal KUNST“. Twórby načasneho wuměłstwa znateho a wuznamneho serbskeho molerja Jana Buka so tohorunja w prezentaciji předstajeja. Zastup je bjezpłatny.

• 30.8.2019, 17 hodź.: Serbska reja
  

Jako zazběh staroměćanskeho festiwala „woda, wuměłstwo, swětło“ přeprošujemy w 17 hodź. k lóštnym rejam a k bjesadźe! Wšitcy zajimcy su wutrobnje witani, reje so zhromadnje nazwučuja. (zastup bjezpłatny)

• 31.8.2019, 17 hodź.: koncert „Aliquis“

Čěska skupina „Aliquis“ hraje w 17 hodź. hudźbu srjedźowěka, renesansy a baroka. Tak zaklinča lubosćinske spěwy a lóštne rejowanske štučki wšelakich krajow. Zběrka historiskich instrumentow wuprudźa zynki tutoho časa. (zastup bjezpłatny)