Dalša rěčna werzija dźěćaceho přewodnika so nadźěłała
Na planowanym swójbnym popołdnju, dnja 6. decembra, měješe so čěska werzija dźěćaceho widejoweho přewodnika prezentować.
Projekt bu spěchowany přez Europski fonds za regionalne wuwiće, Interreg Sakska-Čěska 2014-2020. Partnerska organizacija, Societas Amicuum Liberec (SAL), z.s., je so wo maćernorěčne nahrawanje starała. Krótki přinošk přewodnika namakaće na facebook, pod Serbski muzej, wšako wostanje zarjadnišćo bohužel dale hač do 10. januara 2021 zawrjene.
Dźěćacy widejowy přewodnik je nětk w 5 rěčach přistupny – a to w hornjoserbšćinje, němčinje, jendźelšćinje, pólšćinje a čěšćinje. Z tym móža domoródni kaž tež tourisća serbske stawizny na wjesołe a zajimawe wašnje zeznać.
