Lucky Lutk přeprošuje na Rallye
Za čas prózdnin čaka w muzeju tu a tam Lucky Lutk na našich młodych wopytowarjow. Skići krótke informacije, ma prašenja a nadawki. Tak ma so w galeriji tworjaceho wuměłstwa wěsty wobraz mjez druhimi namakać. Hdyž so wšitke nadawki spjelnja, čaka na Was małka překwapjenka.
Prěnje dyrdomdejske wjedźenje so wuspěšnje wotměło!
Štwórtk, dnja 6.7.2017 wotmě so prózdninski poskitk „Dyrdomdejske wjedźenje po měsće“. Naša bobrija je na wšelakich stacijach hódančka rozrisała a so wšelakim wužadanjam stajiła: dźěći třělachu kaž hober Sprjewnik, zapłaćichu při Młynskich wrotach „cło“ a twarjachu symboliski rěbl za Karaseka.
