Lucky Lutk přeprošuje na Rallye
Za čas prózdnin čaka w muzeju tu a tam Lucky Lutk na našich młodych wopytowarjow. Skići krótke informacije, ma prašenja a nadawki. Tak ma so w galeriji tworjaceho wuměłstwa wěsty wobraz mjez druhimi namakać. Hdyž so wšitke nadawki spjelnja, čaka na Was małka překwapjenka.
![Lucky Lutk přeprošuje na Rallye](https://sorbisches-museum.de/wp-content/uploads/2017/07/LuckyLutj2.jpg)
Prěnje dyrdomdejske wjedźenje so wuspěšnje wotměło!
Štwórtk, dnja 6.7.2017 wotmě so prózdninski poskitk „Dyrdomdejske wjedźenje po měsće“. Naša bobrija je na wšelakich stacijach hódančka rozrisała a so wšelakim wužadanjam stajiła: dźěći třělachu kaž hober Sprjewnik, zapłaćichu při Młynskich wrotach „cło“ a twarjachu symboliski rěbl za Karaseka.
![Prěnje dyrdomdejske wjedźenje so wuspěšnje wotměło!](https://sorbisches-museum.de/wp-content/uploads/2017/07/DyrdWjedz17.jpg)