Wjeselimy so na Waš wopyt!

Wotewrjenske časy

Wot wutory do njedźele: 10.00-18.00 hodź., póndźelu zawrjene, hač na swjate dny; zawrjene 24., 25. a 31.decembra.

26. decembra kaž tež 1. januara wot 13.00 – 18.00 hodź. wotewrjene.

Zastup

Tu namakaće přehlad našich zastupnych płaćiznow.

Bjez barjerow

Wšitke etaže su z liftom docpějomne a wšě wustajenske rumnosće su za wodźerjow jězdneho stoła přistupne.

Přewodniki

Wužiwanje muzejowych přewodnikow je bjezpłatnje

Besucherservice
Besucherservice
Besucherservice
Awdiowy přewodnik za dorosćenych

Naši wopytowarjo móža sej stajnu wustajeńcu z pomocu awdioweho přewodnika wobhladać. Tutón podawa informacije k 13 stacijam wustajeńcy. Słuchanske stacije su někak         2-3 mjeń. dołhe a dohromady Was přewodnik něhdźe            35 mjeń. po domje wjedźe. Tak dostawaće dohlad do stawiznow Serbow, kultury a rěče.

rěče: serbsce, němsce, jendźelsce, francosce, pólsce, rusce, čěsce

Widejowy přewodnik za dźěći

Z 34 stacijemi přewodźuje widejowy přewodnik zabawnje po muzeju. Dźěći su z iPodom a słuchatkami po cyłym domje popuću. W krótkich sekwencach rěča pjeć bajowych postawow wo serbskich stawiznach, nałožkach a wo žiwjenju Serbow. Hromadźe z lutkom, hoberom Sprjewnikom, dźowku wódneho muža, błudničku a hadźacym kralom je to njezapomnity dyrdomdej. Z modernym přewodnikom zmóžni so načasny přistup k wědźe a rěčam.

rěče: serbsce, němsce, jendźelsce, pólsce a čěsce

Mobilne wjedźenje přez QR-cody

Z pomocu swójskeho mobilneho “šmóratka” a QR-codami móžeće awdijowe wjedźenje za dorosćenych abo dźěćace widejowe wjedźenje bjezpłatnje wužiwać. K tomu so code scannuje abo fotografuje. Při tym wotewri so pokazka na muzejowu stronu a stacija so wothraje.

Přejemy wšitkim wjele wjesela!

Wotnajenje

Swjedźensku žurlu (170 m², 80 do maks. 160 wosobow) a muzejopedagogiski kabinet (84 m², něhdźe 30 wosobow) Serbskeho muzeja móžeće sej za priwatne abo zawodne zarjadowanja wotnajeć.

zrěčenje 2020_2021

Popłatk za zarjadowanja třećich w muzeju: 75,00 – 150,00 €

Při wužiwanju rumnosćow zwonka wotewrjenskich časow (wutoru do njedźele 10-18.00 hodź. wotewrjene, póndźelu začinjene) zběra so přiražka za personalne kóšty we wysokosći 10 € na hodźinu. W padźe wužiwanja inwentara powyši so podruž wo 20 %.

Wjace k wuměnjenjam wužiwanja zhoniće telefonisce abo pisomnje přez naš sekretariat.

 

Besucherservice

Naprašnik

Naprašnik za wopytowarjow

Waše měnjenje je nam wažne!

naprašnik

 

Naprašnik za kubłanišća

Waše měnjenje je nam wažne!

naprašnik kubłanišća

Přijězd

Z wosobowym awtom:

Wopušće awtodróhu A4 pola wujězda 89 Budyšin-zapad a wotbočće naprawo do Wojerowskeje dróhi. Při přichodnych křižowanišćach jědźće stajnje nalěwo a po Mosće měra załožće do Nutřkowneje Lawskeje. Potom wotbočće hišće raz nalěwo do Heringoweje přez Bórklin do Hrodu.

Ze zjawnym wobchadom:

Při zastanišću Žitne wiki/Lawske hrjebje wulězće a běžće přez Heringowu dróhu a Bórklin k Budyskemu hrodej. Muzej namakaće w pódlanskim twarje hrodu.

Z ćahom:

Dojěwši na Budyske dwórnišćo běžće po Dwórnišćowej dróze a přez Póstowe naměsto do směra Stare město – a potom k Hrodej (wupisane).

 

Prašenja

Mjeno (obligatorisce)

Mailowa adresa (obligatorisce)

Nastupajo

Powěsć

  Sym z wujasnjenjom wo škiće datow přezjedny/a.
Składowane daty wužiwaja so jeničce internje a k podatemu zaměrjej. Sposrědkowanje abo daledaće na třećich njeje móžne.

Kontakt

Serbski muzej – Sorbisches Museum
Hród 3
02625 Budyšin

tel. 03591/270870-0
faks 03591/270870-13

sekretariat@sorbisches-museum.de