Wutrobnje witajće k nam,
do tysaclětneho města Budyšin! Wysoko nad Sprjewju, tam hdźež je dźens hród Ortenburg, běše něhdy sydło kmjena Milčanow. Mjeztym je wjele wody po Sprjewi běžało a Budyšin je dwurěčne srjedźišćo Hornjeje Łužicy.
Serbski muzej je hižo z lěta 1900 narodny muzej Hornich a Delnich Serbow w duchu załožićela Arnošta Muki a dalšich wótčincow. Tu móžeće naše stawizny zrozumić, kulturu dožiwjeć a wuměłstwo wobdźiwać. Wot narodnych drastow a nałožkow přez načasne wuměłstwo a hudźbu – wustajeńcy a zarjadowanja skića zajimawostki za kóždeho.
Doporučić móžemy naše awdijowe přewodniki za dorosćenych kaž tež zabawny dźěćacy widejowy přewodnik.
Wabjenski film
Wonkowny link k wabjenskemu filmej na youtube.com :
Što rěka tu mjeńšina ? Danojo, Frizojo, Serbja, němscy Sinti a Roma a Delnjoněmcy
06.04.2025 – 11.06.2025
Što woznamjenja domizna? Kotru rólu hraje rěč za našu identitu? A kak formuje kulturne herbstwo naše zhromadne žiwjenje?
Naš kraj je zdawna přez mnohe wšelake kulturne wliwy charakterizowany. Mnohotnosć, łamki a pohib – to je typiske za Němsku. K tomu słušeja tež druhe rěče a awtochtone narodne mjeńšiny a ludowe skupiny, kotrež su hižo dołho tu zakorjenjene.
Tu w Budyšinje, we wutrobje Łužicy a kulturnym centrumje Hornjoserbow, je to wšudźe přitomne. Hižo lětstotki formuja serbske žiwjenje, rěč a tradicije město. Tudy, hdźež słušatej wjacerěčnosć a kulturna mnohotnosć lětstotki do wšědneho dnja, chce pućowanska wustajeńca „Što rěka tu mjeńšina?“ składnosć skićić, wšě štyri awtochtone narodne mjeńšiny a ludowe skupiny Němskeje zeznać – dansku mjeńšinu, němskich Sinti a Romow, serbski lud a frizisku ludowu skupinu. Kóžda z tutych skupin wobsedźi jónkrótne stawizny, rěč (e) a kulturu, kotrež su husto mało znate. Tež rěčna skupina delnjoněmčina so we wustajeńcy předstaja.
Pućowaca wustajeńca Mjeńšinoweho sekretariata a jeje eksponaty skića wosobinske perspektiwy z pjeć skupin a pohnuwaja k tomu, wo přisłušnosći a kulturnej identiće rozmyslować. Wona wotwěra nowy wid na prašenja towaršnostneho zhromadneho žiwjenja a wuznama rěče a přeprošuje, so zwučenych widow wzdać a so mnohohłósnosći našeje towaršnosće z wćipnotu a wotewrjenosću bližić.
Aktualnosće
26.04.2025, 13.00 – 16.00 hodź.: Dźěłarnička k wužrawanju serbskich jutrownych jejkow
Spěchowanske towarstwo Serbskeho muzeja a Serbski muzej přeprošujetaj na dźěłarničku k wužrawanju serbskich jutrownych jejkow. Tutu staru techniku wobknježa jenož hišće mało ludźi a tak chcemy wědu wo tym zaso šěrić. Helena Palmanowa a Edeltraut gründel nawjedutej kurs a dawatej wažne pokiwy. Dźěći płaća 5,00 €, dorosćeni 7,50 € a swójby 16,00 €. Kóždy wobdźělnik […]
24.04.2025, 10.45 hodź., diskusija: Mjeńšiny, klišeje a zwobraznjenje awtochtonych ludow w towaršnosći wjetšiny.
Projekt ZARI – syć za serbsku rěč a regionalnu identitu a Serbski muzej přeprošujetaj na přichodne zarjadowanje w ramiku wosebiteje wustajeńcy “Što rěka tu mjeńšina? Danojo. Frizojo. Serbja/Serby. němscy Sinti a Roma. Delnjoněmcy” štwórtk, 24.04.2025, w 10.45 hodź. Pod hesłom “Mjeńšiny, klišeje a zwobraznjenje awtochtonych ludow w towaršnosći wjetšiny” chcemy zhromadnje z kuratorom dr. Robertom […]
