Wutrobnje witajće k nam,

do tysaclětneho města Budyšin! Wysoko nad Sprjewju, tam hdźež je dźens hród Ortenburg, běše něhdy sydło kmjena Milčanow. Mjeztym je wjele wody po Sprjewi běžało a Budyšin je dwurěčne srjedźišćo Hornjeje Łužicy.

Serbski muzej je hižo z lěta 1900 narodny muzej Hornich a Delnich Serbow w duchu załožićela Arnošta Muki a dalšich wótčincow. Tu móžeće naše stawizny zrozumić, kulturu dožiwjeć a wuměłstwo wobdźiwać. Wot narodnych drastow a nałožkow přez načasne wuměłstwo a hudźbu – wustajeńcy a zarjadowanja skića zajimawostki za kóždeho.

Doporučić móžemy naše awdijowe přewodniki za dorosćenych kaž tež zabawny dźěćacy widejowy přewodnik.

 

 

Wabjenski film

Wonkowny link k wabjenskemu filmej na youtube.com :

Home
Home
Home

Serbski muzej spěchuje so přez Załožbu za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot zapósłancow Zwjazkoweho sejma, Krajneho sejma Braniborskeje a Sakskeho krajneho sejma, kaž tež přez wokrjes Budyšin a Kulturny rum Hornja Łužica-Delnja Šleska. Serbski muzej je zarjadnišćo wokrjesa Budyšin.

Zarjadowanska brošura

Tule namakaće aktualny štwórčlětny přehlad jako pdf ->SM protyka III-2020

Přewjedźenje zarjadowanjow je w Serbskim muzeju zaso móžno. Pod tuchwilnymi wuměnjenjemi hodźa so na žurli maksimalnje 52 městnow při dodźerženju postajenych wotstawkow wobsadźić. Za čas wopyta muzeja je nošenje zakryća huby a nosa winowatostne. Zarjadowar je zamołwity za wjedźenje lisćiny z kontaktnymi datami wopytowarjow.

 

 

wjace informacijow namakaće pod “wustajeńcy” -> “wosebite wustajeńcy”

  • Hermank w Błótach

    Hermank w Błótach

    wuchodźowanske drasty, delnjoserbska drasta, 1928, wolij na płatnje, Serbski muzej, Budyšin
  • Grobla w Błótach

    Grobla w Błótach

    wokoło 1928, wolij na płatnje, Serbski muzej, Budyšin

Aktualnosće