Přejemy swojim wopytowarjam, přećelam, čłonkam a čłonam Spěchowanskeho towarstwa Serbskeho muzeja a wědomostneje fachoweje přirady kaž tež wšitkim dalšim podpěraćelam, zběraćelam a poradźowarjam žohnowane hody a strowe nowe lěto 2026! Dźakujemy so za Waš wopyt a skutkownu podpěru při našim dźěle. Tež w přichodnym lěće mamy za Was znowa zajimawy program zarjadowanjow spřihotowany. Wjeselimy so na Waš wopyt!

• Wotewrjenske časy mjez hodami a nowym lětom:
  wot wutory do njedźele: 10 do 18 hodź.
  zawrjene: 24., 25. a 31. decembra kaž tež 01. a 02. januara
  26. decembra wot 13.00 do 18.00 hodź. wotewrjene

Wjeselće so na nowy měsačny serial “Z herbstwa Serbstwa”. Wot januara 2026 so ze zběrkow kóždy měsac wosebity objekt předstaja. Prezentuje so potom w digitalnym formaće na muzejowej webstronje, na Facebooku a Instagramje. Nimo toho budźe kóždy objekt cyły měsac dołho we wosebitej wustajeńcy “Zběrać. Zachować. Zahorić.” wustajene. Měsačnik slubi zajimałe stawiznički, dohlad do zběrki kaž tež so měnjace wustajenske objekty ze serbskeho herbstwa.

Přednošk wěnuje so molerjej, rysowarjej a grafikarjej Měrćinej Nowakej (1900 1990) a wobswětla, kak pólscy wuměłcy jeho tworjenje formowachu. Přetož w 20. lětstotku pokazuje serbske tworjace wuměłstwo kedźbyhódny podawk: Serbscy wuměłcy, kotřiž w Pólskej studowachu, buchu trajnje wot tamnišich wuměłstwowych prudźenjow wobwliwowani. Pólska wuměłstwowa scena bě charakterizowana wot wosebiteje kombinacije z folklory, moderny a słowjanskeje recepcije. Na zakładźe wšelakich Nowakowych přikładow, jeho wučerjow a kolegow wujasnjuja so paralele, wliwy a  duchowne wuwića. Na přednošku narěča so tež stilistiske a konceptuelne zakłady wuměłskeho tworjenja Měrćina Nowaka-Njechorńskeho.

Mato Kosyk: migracija a poezija

Přeprošujemy was, při kofeju a tykancu biografiji a skutkowanju Mata Kosyka připosłuchać. Wosud a dźěławosć delnjoserbskeho basnika Mata Kosyka běštej wot nazhonjenja migracije charakterizowanej. W přednošku poda so krótki přehlad wo časach a socialnych kontekstach, w kotrychž jedyn z najwuznamnišich basnikow delnjoserbskeje rěče bydleše a skutkowaše. referent: dr. Jędrzej Soliński, kurator Serbskeho muzeja

Na dnju wotewrjeneho pomnika, njedźelu, 14. septembra, předstaji wuměłča Carla Pohl wuslědki swojeje dźěławosće w 15 hodź. w Serbskim muzeju. Jako digitalnu prezentaciju projekta “Korjenje zemje – Stražowarki ze Slepoho”, pokazaja so portrety žonow, kotryž region je přez hórnistwo, strukturnu změnu a zhubjenje serbskeje rěče a kultury charakterizowany.

Program na Dnju wotewrjeneho pomnika w Serbskim muzeju (darmotny zastup):

• 10 – 18 hodź.: wopyt trajneje wustajeńcy
• 15 hodź.: předstajenje projekta “Korjenje zemje – Stražowarki ze Slepoho” z fotografku Carla Pohl
• 16:30 hodź.: tematiske wjedźenje po ludowědnym a wuměłskim dźělu trajneje wustajeńcy

Štóž ma zajim, so na wosebitym poskitku z dźěłarničku a wuměnu z pólskimi młodostnymi wobdźělić, móže so pola Serbskeho muzeja přizjewić. Wulět wotměje so wot pjatka popołdnja, 19. septembra do 20. septembra w “Domje Gerharta Hauptmanna” w Jelenej Górje. Poskitk dźěłarnički “wobraz a słowo” je wosebitosć, wšako słuša pisanje ikonow k rědkim wuměłstwam. Ikona je kaž uniwersum, kotryž wobsteji z mnohich tradicijow a technikow, kotrež buchu wot generacije ke generaciji, na wšelakich městnach a we wšelakich nabožinach dale date a hač do dźensnišeho posrědkowane. Wobdźělenje je darmo, tohodla su městna wulěta wobmjezowane. Waše přizjewjenja so pod sekretariat@sorbisches-museum.de přijimuja. Prošu podajće mjeno, adresu, starobu a telefonowe čisło. Informacije k dźěłarničce

Měšćanski muzej „Dom Gerharta Hauptmanna“ w Jelenjej Górje a Serbski muzej w Budyšinje přeprošujetej na konferencu we wobłuku zhromadneho projekta z titulom “Wobraz a słowo. Wot wobraza k zrozumjenju. Migracije w sociokulturnym konteksće”, kotraž wotměje so sobotu, 21. junija 2025, w Měšćanskim muzeju „Dom Gerharta Hauptmanna“ w Jelenjej Górje.
Zaměr konferency je temu „kultura a migracija” z metodami socialnych a duchownych wědomosćow diskutować.
Program wopřija přednoški, diskusije a wopyt wustajeńcy „Wěčne pućowanje“.
Projekt financuje so přez Europsku uniju ze srědkow Europskeho fondsa za regionalne wuwiće we wobłuku fondsa za małoprojekt Pólska – Sakska 2021-2027.
Wobdźělenje je darmotne, prošu přizjewće so hač do 18. junija 2025: biblioteka@muzeum-dgh.pl

Dalše informacije a program: https://muzeum-dgh.pl/konferencja-naukowa/

Zarjadowanje na FB hlej

We 18 hodź. wotměła so kuratoriske wjedźenje po wustajeńcy “Što rěka tu mjeńšina?” z dr. Robertom Lorencom w němskej rěči.

Přizamknje so w 19 hodź. zajimały přednošk „RomArchive jako modelowy projekt: Mjeńšinowe kultury w digitalnej dobje“.  Zběrka RomArchiva wobsahuje objekty z dźesać wobłukow: tworjace wuměłstwo, wobrazowa politika, film, flamenco, literatura, hudźba, reja, dźiwadło a drama, hibanje wobydlerskich prawow Sintow a Romow a » Voices of the Victims «.  RomArchive zdoby w lěće 2020 renoměrowany Grimme Online Award 2020 w kategoriji „wěda a kubłanje“.  Z tutym mytom wuznamjenja so posrědkowanske poskitki, kotrež za powšitkownosć relewantne wobsahi k dispoziciji staja a towaršnostnemu kubłanju, poradźowanju a rozswětlerstwu słuža. Referent němskeho přednoška je André Raatzsch, wědomostny sobudźěłaćer Marburgskeje Philipps-uniwersity.

„Derje składowane je poł restawrowane. Objektej wotpowědowace hladanje za dołhodobne zdźerženje.”

Kak so historiske fota, mólby, dokumenty abo tekstilije prawje składuja? Zo bychu so swójbne drohoćinki abo archiwarije prawje hladali, so tu pokiwy a zakładne informacije posrědkuja. Nimo toho so kmane składowanske wuměnjenja za objekty a powšitkowny wobchad z nimi wujasnja. Přetož zachowanje kulturneho herbstwa wužada najlěpši škit před klimowymi wliwami, kaž tež swěcu.