Noworjadowanje Europy po I.swětowej wójnje skićeše historisku šansu wutworjenja njewotwisneho serbskeho stata. Předstaja so zaměry, plany a postupowanje Serbskeho narodneho wuběrka pod nawodom Arnošta Barta – a čehodla hibanje naposledk zwrěšći.

referent: Alexander Pólk, płaćizna: 4,50 € inkl. kofej a tykanc

Kak wupada serbska moda za wšědny dźeń?

Moda wuspěšnych designerkow a designerow, dobyćerjow wubědźowanja SORBIAN STREET STYLE kaž tež serbskich gymnaziastow prezentuje so w tutej wustajeńcy. Na zakładźe elementow serbskich regionalnych drastow a łužiskeho ludoweho wuměłstwa nastachu modiske outfity a kolekcije. Wubědźowanje bě zhromadny projekt Ludoweje banki Drježdźany-Budyšin, Sakskeho centruma za kulturne a kreatiwne hospodarstwo a Serbskeho muzeja.

Powitanje: Christina Boguszowa direktorka Serbskeho muzeja

Postrowne słowa: prof. Martina Jess dekanka fakulty design při Fachowej wysokej šuli Drježdźany, předsydka jury wubědźowanja SORBIAN STREET STYLE

Zawod do wustajeńcy: Andrea Pawlikowa kuratorka

Eksperimentalna hudźba a pohibowa performance: Jakub Gruhl, Lipsk a Marthe Howitz, Berlin

• Kabinetna wustajeńca “Mólba – mój pisany pomnik”
• a prezentacija Jana Buka

Składnostnje Dnja wotewrjeneho pomnika pokaza Serbski muzej dźěła wubědźowanja “Mólba – mój pisany pomnik / Denk-Mal KUNST“. Twórby načasneho wuměłstwa znateho a wuznamneho serbskeho molerja Jana Buka so tohorunja w prezentaciji předstajeja. Zastup je bjezpłatny.

• 30.8.2019, 17 hodź.: Serbska reja
  

Jako zazběh staroměćanskeho festiwala „woda, wuměłstwo, swětło“ přeprošujemy w 17 hodź. k lóštnym rejam a k bjesadźe! Wšitcy zajimcy su wutrobnje witani, reje so zhromadnje nazwučuja. (zastup bjezpłatny)

• 31.8.2019, 17 hodź.: koncert „Aliquis“

Čěska skupina „Aliquis“ hraje w 17 hodź. hudźbu srjedźowěka, renesansy a baroka. Tak zaklinča lubosćinske spěwy a lóštne rejowanske štučki wšelakich krajow. Zběrka historiskich instrumentow wuprudźa zynki tutoho časa. (zastup bjezpłatny)

Pjatk, dnja 23.8.2019 w 14 hodź. poskićuje so zjawne wjedźenje po wuměłskej wustajeńcy w serbskej rěči.

Přizamknje so w 16.30 hodź. w rumnosćach wosebiteje wustajeńcy čitanje ze serbskej awtorku Lubinu Hajduk-Veljkowićowej a słowjenskej basnicu Anju Golob. Tworjenje wobeju literatkow je so wjacekróć wuznamniło.

Mjez wjedźenjom a čitanjom poskićuje so kofej a tykanc.

Njedźelu, dnja 25.8.2019 w 15 hodź. přeprošujemy wutrobnje na koncert a finisažu wustajeńcy.

Pod titulom TŠUGA. ALLES FLIEßT (VSE TEČE) zaklinča wjacore nowokompozicije serbskich komponistow, při tym zhudźbnjenja lyriskich tekstow Kita Lorenca. Wjeselće so na saksofonowy kwartet modernsax berlin, Heidemarie Wiesnerec (klawier), Walbugu Wałdźic (spěw) a Gerolda Gnauscha.

Zastup je na wobě zarjadowani darmotny.

Wuměłske wubědźowanje “Mólba – mój pisany pomnik” Serbskeho muzeja wot 15.7. – 6.9.2019

Sylne barby, jasne formy a wjele začuća – tak hodźi so wuměłski stil ekspresionizm wopisać. Znaty a wuznamny serbski moler Jan Buk je w tutym stilu molował, wšako jeho krajiny a ćišna přez barby a formy skutkuja.

ćišno Jana Buka, 2003                                                         ćišno Jana Buka, 2000

Składnostnje Dnja wotewrjeneho pomnika njedźelu, 8.9.2019 pokaza Serbski muzej mólby wubědźowanja “Mólba – mój pisany pomnik / Denk-Mal KUNST“. Prošu mjeno, starobu a adresu podać, zo móža so dobyćerjo skontaktować. Wjele wjesela a wuspěcha!

WUMĚNJENJA WUBĚDŹOWANJA

• ŠTÓ: dźěći wot 6 lět a młodźina
• ŠTO:  ćišno po foće 1 abo foće 2 w formaće A4 abo A3, barby po swójskej ideji, hlej k tomu mólbje Jana Buka
• KÓNC: hač do 6.9.2019

foto 1, Serbski muzej, 2019                                                    foto 2, Serbski muzej, 2019

KONTAKT                                                                                        

Serbski muzej, Hród 3, 02625 Budyšin

PRAŠENJA

tel.: 03591 270 870 28; www.sorbisches-museum.de

“Wobrazy krajiny” kaž tež „Kašpor Pětr Nohajca a Marta Lute Wóčko“

Někak połdra hodźinske programy započinaja so přeco w 13 hodź.

Wjace informacijow a terminy namakaće pod: www.sorbisches-museum.de, “Kubłanje a posrědkowanje, “prózdninski program”. Prosymy wo přizjemjenje pod 03591/270870-0 abo sekretariat@sorbisches-museum.de.

Přejemy wšitkim dźěćom rjane prózdniny!

Dobyćerjo wubědźowanja SORBIAN STREET STYLE su so dźens w nowinarskej konferency wozjewili:

1. městno: Lea Kelm, absolwentka designoweje šule a na Wysokeje šule Vitruvius w Lipsku
2. městno: team Christiane Dögel a Alexander Gaertner, absolwentaj Wysokeje šule za wuměłstwo Berlin Weißensee
3. městno: Jan Lorenc, student mody na Wysokej wuměłstwowej šuli Halle, Burg Giebichenstein

Myto dorosta: team Gisa Bigl, Lara-Marie Lipp, Marilena Stock, Saskia Trute, studenća modoweho designa fachoweje Wysokeje šule Drjezdźany

Gratulujemy wutrobnje wšitkim dobyćerjam!

Zdobom dźakujemy so sponsoram a kooperaciskim partneram za podpěru, Ludowej bance Drježdźany-Budyšin a centrumej KREATIWNA SAKSKA

Kunstbus – Kulturny bus Hornjeje Łužicy

Program wopřija stajnu wustajeńcu, wosebitu wustajeńcu „Wobrazy krajiny. Podobe pokrajine. Bilder einer Landschaft. Wobraze krajiny.”, filmy z temu „domizna” filmoweho festiwala Choćebus a koncert „Mlokawka“.

wotběh

• 10 – 18 hodź.

wosebita wustajeńca „Wobrazy krajiny. Podobe pokrajine. Bilder einer Landschaft. Wobraze krajiny. – Přechod 03”

•  wot 10 hodź.

30 min. filmowy loop- kooperacija z FilmFestival Cottbus

FRIEDENKRIEGEN … Z WÓJNY JĚDU … Maja Nagel/Julius Günzel, DE 2017

ZMIJ – DER DRACHE … Angela Schuster, DE 2016

MĚR (FRIEDEN) … Anne-Kathrin Rensch/Clemens Schiesko, DE 2015

•  16 hodź.

„Mlokawka“, koncertny duo Walburga Wałdźic a Max Löb

Předpředań w Serbskim muzeju! Płaćizna: 9€ / 5 €, inkl. zastup k Dołhej nocy kultury!

15.6.2019            18-24 hodź.

Dołha nóc kultury a Dołha nóc za dźěći w Serbskim muzeju!

Program wopřija stajnu wustajeńcu, wosebitu wustajeńcu „Wobrazy krajiny. Podobe pokrajine. Bilder einer Landschaft. Wobraze krajiny.”, filmy z temu „domizna” filmoweho festiwala Choćebus,  wječorny koncert „Mlokawka“ a film w 20 hodź. Za dźěći je wosebity program z bajemi a bajkami přihotowane.

wotběh

• 18 – 24 hodź.

wosebita wustajeńca „Wobrazy krajiny. Podobe pokrajine. Bilder einer Landschaft. Wobraze krajiny. – Přechod 03”

•  wot 18 hodź.

30 min. filmowy loop- kooperacija z FilmFestival Cottbus

FRIEDENKRIEGEN … Z WÓJNY JĚDU … Maja Nagel/Julius Günzel, DE 2017

ZMIJ – DER DRACHE … Angela Schuster, DE 2016

MĚR (FRIEDEN) … Anne-Kathrin Rensch/Clemens Schiesko, DE 2015

• 19 – 19:30 hodź.

Koncertny duo „Mlokawka“, Walburga Wałdźic a Max Löb

Duo Mlokawka:  Posylnjowace mloko serbskich korjenjow a hłowa połna pryzlow kaž kawka, kiž so z jeje kulturnymi wusypami hrajka – to je žro mjena „Mlokawka“ –  duo mjez serbskej spěwarku Walburgu Wałdźic a Gitaristom Maxom Löbom. Serbska a němskorěčna poezija serbskich awtorow je inspiracija a material za swójske kompozicije a improwizaciju we stilu jazza a načasnjeje hudźby.  

• 20 hodź.     

WENN WIR ERST TANZEN … Dirk Lienig/Dirk Heth/Olaf Winkler, DE 2018, 93 min.

• 18 – 22 hodź.: Dołha nóc za dźěći

Magiske sćinowe postawy powědaja dyrdomdejske stawizny.

Płaćizny za „Dołhu nóc“ w kombinaciji z KunstBUS 2019: předpředań: 5,00 €, wječorna kasa: 8,00 €, wot 22 hodź.: 3,00 €

16.6. 2019, 10-18 hodź.     Kunstbus – Kulturny bus Hornjeje Łužicy

Program wopřija stajnu wustajeńcu, wosebitu wustajeńcu „Wobrazy krajiny. Podobe pokrajine. Bilder einer Landschaft. Wobraze krajiny.”, filmy z temu „domizna” filmoweho festiwala Choćebus a ćichohrajny film.

wotběh

• 10 – 18 hodź.

wosebita wustajeńca „Wobrazy krajiny. Podobe pokrajine. Bilder einer Landschaft. Wobraze krajiny. – Přechod 03”

•  wot 10 hodź. filmowy loop, kooperacija z FilmFestival Cottbus:

FRIEDENKRIEGEN … Z WÓJNY JĚDU … Maja Nagel/Julius Günzel, DE 2017

ZMIJ – DER DRACHE … Angela Schuster, DE 2016

MĚR (FRIEDEN) … Anne-Kathrin Rensch/Clemens Schiesko, DE 2015

• 16 hodź.

„SPRENGBAGGER 1010“ … Carl Ludwig Achàz-Duisberg, DE 1929

https://www.im-friese.de/kunstbus2019-2/

Kofej w třoch            “Moda w serbskich nowinach”

Přednošk skići stawizniski přehlad, kak so moda w nowinach našeje regiony prezentowaše a kak so za modu wabješe.

Referentka: Rebecca Wöppelowa

płaćizna: 4,50 € inkl. kofej a tykanc