poskitki za dorosćenych

Bildung und Vermittlung

Wjedźenje po stajnej wustajeńcy

Zajimawe stawizny a žiwa tradicija – to Was w Serbskim muzeju wočakuje.
Při wjedźenju zhoniće mnoho wo serbskej kulturje, wo našich stawiznach a wuwiću serbskeje rěče. Na třoch poschodach móžeće so dokładnje wo stawiznach, ludowej kulturje, narodnej drasće a tradicijach, literaturje a tworjacym wuměłstwje informować.
Wjedźenje traje někak 1 do 1,5 hodź. Potym wobsteji móžnosć, sej čerstwy kofej zesłodźeć dać.
Wjedźenje z přizjewjenjom pod 03591/2708700 abo sekretariat@sorbisches-museum.de.

Bildung und Vermittlung

Wjedźenje po wosebitej wustajeńcy

SORBIAN STREET STYLE
22.9.2019 – 1.3.2020

Kak wupada serbska móda?
Kreacije wuspěšnych designerkow a designerow, dobyćerkow a dobyćerjow wubědźowanja SORBIAN STREET STYLE a mnoho idejow kołowokoło mody prezentuja so w tutej wustajeńcy.
SORBIAN STREET STYLE zwjazuje tradiciju a inowaciju jako wuraz sebjewědomeje serbskeje a łužiskeje identity.
Při wjedźenju so Wam ideje a pozadki nastatych kolekcijow rozkładuja. Kak so Wam tuta móda lubi a je to snano tón přichod? Rady z Wami wo tym rěčimy!
Wjedźenje z přizjewjenjom pod 03591/2708700 abo sekretariat@sorbisches-museum.de.

Bildung und Vermittlung

Popołdniše zarjadowanja

KOFEJ W TŘOCH

Kóžde štwórć lěta přeprošuje Serbski muzej srjedu w 15.00 hodź. wšěch zajimowanych na kofej. Po krótkim zabawjacym přednošku k temje, kiž so do počasa hodźi abo k wurjadnemu objektej z muzejoweho wobstatka móžeće při kofeju bjesadować a stare dopomnjenki wuměnić. Za wšěch je to dobra přiležnosć, najnowše nowinki z dźěła muzeja słyšeć a sej aktualnu wosebitu wustajeńcu wobhladać.

popłatk: 4,50 € inkl. kofej a tykanc

 

muzejowa pedagogika

Serbski muzej ma za wopytowarjow wšěch starobnych skupin zabawne programy a zajimawe projekty přihotowane.

Bildung und Vermittlung

K stawiznam Serbow

Podamy so na krótku stawiznisku jězbu wot zasydlenja našich prjedownikow hač do dźensnišeho časa. Rěčimy wo narodnej drasće, wěrje a nałožkach.

Přez jednotliwe eksponaty muzeja so pokaza, što serbski lud we wšelakich lětstotkach nazhoni.

Hodźi so za: pěstowarnje, zakładne šule, spěchowanske šule, wyše šule a gymnazij

Bildung und Vermittlung

Dźěćatstwo a šula něhdy

Chcemy so ze dźěćatstwom před něhdźe 150 lětami rozestajeć a zhonić, kak su dźěći žiwe byli, z čim su sej hrajkali a što běchu nadawki wšědneho dnja.

Dožiwimy přez serbsku drastu a wužiwanje sudobjow a hrajkow čas našich prawowkow a pradźědow. Předstajenje šulskeje wučby 19. a 20. lětstotka dožiwja dźěći aktiwnje w kabineće. Zaběramy so ze serbskej rěču a starym pismom. Z pjerom a čornidłom wuknjemy stare pismo pisać.

Hodźi so za: pěstowarnje, zakładne šule, spěchowanske šule, wyše šule a gymnazij

Bildung und Vermittlung

Na slědach serbskich bajow

Tutón program wjedźe najprjedy přez stajnu wustajeńcu, w kotrejž móža šulerjo schowane bajowe figury nadeńć. K tomu předstaja so jednotliwe baje abo bajki.

Potom smě kóždy swoju najlubšu figuru molować.

Hodźi so za: pěstowarnje, zakładne šule, spěchowanske šule, wyše šule a gymnazij

Bildung und Vermittlung

Što nam wobrazy powědaja

Wupytamy sej w galerij Serbskeho muzeja wuměłske twórby, kiž nas wosebje narěča. Ze zynkami a słowami wopisujemy a wotrysujemy wupytany wobraz.

Štó z was ma najlěpšu stawiznu k swojemu wobrazej?

Hodźi so za: pěstowarnje, zakładne šule, spěchowanske šule, wyše šule a gymnazij

Bildung und Vermittlung

Narodne hibanje a serbske wótčincy

Jako zazběh so předstaji, kak je k narodnemu hibanju 19. lětstotka dóšło. W prezentaciji a při swobodnym dźěle zbliža so šulerjam sławne wosobiny kaž Smoler, Hórnik, Ćišinski, Zejler, Kocor, Muka, Měrćink, Krawc, Grólmusec, Kilian, atd.

Eksponaty wótčincow, citaty, knihi a hudźba su runje tak wobstatk programa.

Hodźi so za: wyše šule a gymnazij

Bildung und Vermittlung

Wodźenje po starym měsće

Zeznajće město Budyšin na druhe wašnje!

Na wšelakich stacijach stareho města zhoniće něšto k stawiznam a k tomu maja so nadawki spjelnić abo na prašenja wotmołwić.

Hodźi so za: zakładne šule, spěchowanske šule, wyše šule a gymnazij

wosebita wustajeńca

Bildung und Vermittlung
Bildung und Vermittlung
Bildung und Vermittlung
Bildung und Vermittlung

W modowej wustajeńcy SORBIAN STREET STYLE pytamy wotmołwy na prašenja kaž „Što je docyła Street Style“ a što je „Serbski Street Style“. Kóždy designer wustajeńcy ma swój rukopis a interpretuje serbsku narodnu drastu a łužiski region na swoje wašnje. Kritisce hladamy na kolekcije, kak je so tema přesadźiła. Kotry outfit so wam najlěpje lubi a što docyła nic? Kak definujemy „narodna drasta“ a „moda“? Je rozdźěl „serbska drasta“ a „moda“ přewulki abo hodźi so kombinować?

W skupinskim dźěle so šulerki a šulerjo za jedyn wobłuk rozsudźa a w 30-45 min. zhromadnje wudźěłaja.

  • Skupina 1 „Topmodel“: Přihotowanje modoweje přehladki pod wosebitej temu z modlami a moderaciju
  • Skupina 2 „Designer“: Wuwiwanje a načisnjenje nowych kolekcijow, outfitow, debjenkow, atd. ze serbskim charakterom
  • Skupina 3 „Jury“: Wudźěłanje kriterijow za wuhódnoćenje, postajenje dobyćerjow a wumyslenje mytow

Prezentacija skupinow 1 a 2 ma někak poł hodźiny trać a so přez jury posudźuje a zdobom so tu dobyćerjo mytuja.

Program spěchuje kreatiwitu, zesylni sebjewědomje a dźěło w teamje. Čas programa je wotwisny wot wulkosće skupiny a traje něhdźe mjez 1,5 do 2 hodźin.

Jako dalša móžnosć hodźi so tež po wjedźenju dźěłarnička přewjesć. Tu móže so za cyłu skupinu abo za kóždeho jednotliwca debjenki, karty, buttons, płatowe měški, atd. zhotowić, kiž so potom sobu wzaja. (materialowe wudawki 2 €)

Přizjewjenje pod: 03591/2708700, sekretariat@sorbisches-museum.de

prózdninski poskitk

Bildung und Vermittlung

SERBSKI STREET STYLE

We wustajeńcy widźimy modu ze serbskimi elementami. Přizamknje so mała dźěłarnička, hdźež naćisnjemy a paslimy sami serbsku modernu drastu a debjenki abo kołkujemy łužiske mustry. Wuslědki móža so sobu domoj wzać.

Hdy? 15.10.2019 a 24.10.2019; 10 – 12 hodź. (přidatne wudawki 2,00 €)

Bildung und Vermittlung

Złota nazyma – rjana pyšerka

Z łopješkow a mnoho barbami stworimy sej nazymski wobraz, kołkujemy abo pomolujemy karty a twarimy mobile. Tak so nazyma pisani! Prošu přinjesće sej prasowane łopjena sobu.

Hdy? 17.10.2019 a 22.10.2019; 10 – 11.30 hodź. (přidatne wudawki 1 €)

Prosymy wo přizjewjenje pod 03591/270 870 11.

 

 

pokiwy

Z organizatoriskich přičin prosymy wo přizjewjenje skupinow wot znajmjeńša 8 dźěći/šulerjow. Principielnje wusměri so tajki poskitk na čas wot 60 do 90 mjeńšinow. Tu móže pak so tež indiwidualnje dorěčeć. Za šulerjow z wokrjesa Budyšin je zastup darmotny. K tomu wobliča so kóšty za wotpowědny trěbny material a wjedźenje.

Při wobsahowych a organizatoriskich prašenjach k muzejopedagogiskim poskitkam wobroćće so na našu sobudźěłaćerku, knjeni Móniku Ošikowu, telefonisce pod čisłom 03591/270870-28 abo z mejlku pod m.oschika@sorbisches-museum.de.

logo-kubimobil

Serbski muzej je kooperaciski partner KuBiMobil. Wjace informacijow namakaće pod http://www.kubimobil.de.

Flyer-KuBiMobil