Uncategorized

Jurij Hajna (*11.9.1877, +6.9.1952) słuša do prěnjeje generacije profesionalnych serbskich wuměłcow, molerjow. Nimo toho słuša tež k załožerjam Zwjazka serbskich tworjacych wuměłcow a sta so z čłonom Łužiskeho zwjazka wuměłcow. W přednošku so jeho žiwjenje a skutkowanje rozłoži. přednošuje: Jurij Łušćanski

płaćizna: 4,50 € inkl. kofej a tykanc

We 18 hodź. přeprošuje Andrea Pawlikowa na kuratorske wjedźenje “Party w 21. lětstotku”.

w 19 hodź. slěduje přednošk “Narodna drasta a identita we wuchodnej srjedźnej Europje”, z dr. Anna Novikov, historikarka a kulturna wědomostnica na Greifswaldskej uniwersiće.

Andrea Pawlikowa přeprošuje na wjedźenje po wustajeńcy “Party w 21. lětstotku”, njedźelu dnja 05.06.2022.

14 hodź.: w serbskej rěči

15 hodź.: w němskej rěči

Prosymy wo přizjewjenje pod 03591 270 870 0 abo ticket@sorbisches-museum.de

Serbska drasta a bodypainting, hodźi so to scyła hromadźe? Štóž chce tole wědźeć, njech přińdźe sobotu 21.meje wot 10-17 hodź. do Serbskeho muzeja w Budyšinje pohladać. Tam wotměje so workshop za młodych kreatiwnych pod hesłom „Wot party k borće“. Katrin Salmen a Matej Dźisławk pokazatej, što maš při pomolowanju wobliča z ornamentami a při portretowej fotografiji wšo wobkedźbować. Słowakski wustajenski projekt „PARTY w 21. lětstotku“ skića ideje tež za nas Serbow. Za hru ze symbolemi a barbami je wšelaka serbska swjedźenska pycha přihotowana. Štóž chce, móže sej swójski make-up, wěcy za šminkwanje a kameru sobu přinjesć. Tež młodźi mužojo su wutrobnje witani!

Přizjewće so pod ticket@sorbisches-museum.de abo tel. 03591/2708700, kóšty 10 €. Poskićujetej so dwaj kursaj, 10 – 13 hodź. a 14 – 17 hodź.

Dźakujemy so Spěchowanskemu towarstwu Serbskeho muzeja a Serbskemu ludowemu ansamblej za podpěru.

Sobotu, dnja 7. meje 2022 wot 10 do 15 hodź. přeprošujemy na comic-dźěłarničku ze Štefanom Hanušom. Kurs je darmotny a wotměje so w ramiku spěchowanskeho projekta “Jan Buk digital – wuměłska digitalna kniha”.

Přizjewjenje hač do pjatka pod: m.oschika@sorbisches-museum.de abo 03591 270 870 28.

Finisaža – “5 x Němska po wšěm swěće. W špihelu migracije”

Fotowa wustajeńca wobswětluje potomnikow němskich wupućowarjow na 5 kontinentach swěta, kotřiž běchu w zašłych lětstotkach Němsku wopušćili. Su to Němcy w Brazilskej, Mexiku, Rumunskej, Ruskej a w Južnej Africe. Za to poda so Hamburgski fotograf Jörg Müller na jězbu, zo by ludźi a jich žiwjensku stawiznu dokumentował. Wustajeńca sposrědkuje wobhladowarjej zaćišć wo tym, na kotre wašnje so dźensa hišće němska rěč a kultura pěstujetej. Přizjewjenja pod ticket@sorbisches-museum.de abo 03591 270 8700.

Dźěłarnička fotografije, 23.04.2022 wot 10 do 14 hodź. 

Jörg Müller, wuspěšny fotograf z Hamburga, studowaše wizuelnu komunikaciju a fotowy design w Dortmundźe. Dźěła na mnohich polach fotografije, tak nastanu wobrazy z najwšelakorišich dźěłowych wobłukow. W swobodnym času zaběra so z mjezykulturnymi temami. Dźěłarnička orientuje so po temje wosebiteje wustajeńcy “5 x Němska po wšěm swěće“ z ćežišćom domizna, migracija, mnohotnosć. K tomu maja fota nastać, kotrež so w kursu prezentuja a wuhódnoćeja. Při tym sposrědkuje Jörg Müller wědu a praktiske nałožowanje fotografowanja. Kurs je za zajimcow z dobrej kameru a kotrymž je wobchad z fotowym aparatom a fotografiju znaty.

Přizjewjenje pod: ticket@sorbisches-museum.de abo 03591 270 870 0.  popłatk: 15 €

Debjenje a wiki jutrownych jejkow, wot 15. do 18. apryla 2022

Wot wulkeho pjatka hač do jutrowneje póndźele wustajeja a předawaja ludowi wuměłcy debjenje jutrowne jejka w šulskim kabineće muzeja.

Jutrowny koncert na žurli 16. apryla 2022

Na jutrownej soboće witamy hosći w 15 hodź. na nalětni program chóra „Budyšin“ na žurli.

Wosebitej wustajeńcy do 24. apryla 2022

Jutry w Serbach

5 x Němska po wšěm swěće. W špihelu migracije

Tu přehladka jako PDF-ka: jutrowne zarjadowanja 2022_Serbski muzej