Uncategorized

Składnostnje 125. posmjertnych narodnin dr. Marje Grólmusec (24.4.1896 – 6.8.1944) wotměwa so wosebite zarjadowanje z wjedźenjom a přednoškom.

W 15.30 hodź.

wjedźetej wuměłča Maja Nagelowa a direktorka Christina Boguszowa po wustajeńcy “machot časa. wot běłeho k čornemu”.

W 17 hodź.

Přizamknje so zarjadowanje “Žona(y) ze zamołwitosću” z přednoškom, podijowej rozmołwu a hudźbnym wobrubjenjom.

Flyer zarjadowanja_dr. Maria Grólmusec
Zajimcy so prošu pod 03591 270 870 0 abo ticket@sorbisches-museum.de přizjewja. (wobdźělenje po płaćiwych hygieniskich naprawach)

Sólnica – sudnistwo – Serbski muzej: „Byće a zdaće“ – pod tutym hesłom wotměwa so lětuši dźeń pomnikow.

Na srjedźowěkowskim hrodźišću Milčanow bu 1782 sólnica natwarjena, kiž składowaše sól za Budyski kraj. Wot 1869 so dom po přetwarje jako sudnistwo wužiwaše. Hakle wot lěta 1974 so tu na městnje Serbski muzej zadomi, zběrka a narodne herbstwo pak sahatej wróćo do lěta 1856. Na žurli kaž tež na dalšich stacijach so stawizny domu pokazuja. Nimo toho móže so tež wosebita wustajeńca „machot časa. wot běłeho k čornemu“ wopytać. zastup darmotny

Za młodnostnych a dorosćenych přewjedźe wuměłča Maja Nagelowa, sobotu dnja 18.9.2021 wot 10 do 16 hodź. wuměłsku dźěłarničku “wot běłeho k čornemu”. Wuchadźišćo leži we wotwažowanju grafiskich srědkow: so zeznajomnić a wuspytać wšelake rysowanske materialije kaž tuša, wuhlo, wołojnik, grafit, marker a fineliner. Zmysł leži w tym, so sensibilizować dać wot njekónčnych móžnosćow mjez běłym a čornym. Wobdźělnicy zeznaja hru z liniju, blakom, strukturu a płoninu. Kotry wuraz nastanje? Na kóncu so dźiwaš, kotre předmjety a temy hodźa so z čornym zwuraznić.

přinošk: 15 €

přizjewjenje pod: ticket@sorbisches-museum.de, 03591 270 870 0

Lube dźěći, hač do 31.8.2021 wotměwaja so stajnje wutoru a štwórtk prózdninske poskitki w 10 hodź. Štóž ma zajim, so njech pod ticket@sorbisches-museum abo 03591 270 870 0 přizjewi. Wjeselimy so na WAS!

• 17.8.2021: Na slědach serbskich bajow
• 19.8.2021: Milčenjo a słowjanski srjedźowěk
• 24.8.2021: Moje žiwjenje – moja stawizna
• 26.8.2021: čorno-běłe wuměłstwo
• 31.8.2021: Na slědach serbskich bajow

Sobotu, dnja 29. meje kaž tež njedźelu, 30. meje so wotewrjenski čas wo hodźinu podlěši. Wot 10 do 19 hodź. móže so po knihowanju termina muzej wopytać. Wjedźenja we wosebitej wustajeńcy „Barby daliny. Moler Ante Trstenjak a Łužiscy Serbja“ so takle přewjedu:

• 29.5.2021: 10 hodź. swójbne wjedźenje, 15 hodź. kuratorske wjedźenje w němskej rěči, 16 hodź. kuratorske wjedźenje w serbskej rěči. Po přizjewjenju a wobmjezowanje na 10 wosobow. Liča so dorosćeni kaž tež dźěći.
• 30.5.2021: 14 hodź. swójbne wjedźenje, 15 hodź. kuratorske wjedźenje w němskej rěči, 16 hodź. kuratorske wjedźenje w serbskej rěči. Po přizjewjenju a wobmjezowanje na 10 wosobow. Liča so dorosćeni kaž tež dźěći.

Serbskej wustajeńcy w Libercu

Wustajeńca “Lužičtí Srbové, neznámí sousedé / Łužiscy Serbja, njeznaći susodźa” so wot 3.5.2021 do 28.5.2021 w Regionalnej wědomostnej bibliotece w Libercu pokazuje. Na iniciatiwu towarstwa Societas Amicuum Liberec (SAL) zestaji Serbski muzej tutu prezentaciju, kotruž towarstwo w susodnym kraju natwari. Postrowne słowa a wotewrjenske zarjadowanje su na YouTube wozjewjene. Z pomocu srědkow Němsko-Čěskeho fonda přichoda wuńdźe specielna publikacija k wustajeńcy. W zwisku z prezentaciju so tři přednoški online poskićeja.

W Liberecu pokazuje so tuchwilu we wobłuku Serbskeho lěta tež personalna wustajeńca wuměłče Maje Nageloweje “na okraji- na kromje” w Galerie Lázně, kiž bu hač do kónca meje podlěšena.

Wobě zarjadnišći stej zaso normalnje přistupnej. Dalše informacije pod www.salliberec.cz

Nadawki w Zarjedźe za wokrjesne wuwiće/w Serbskim muzeju

• wědomostne slědźerske dźěło we wobłuku serbskich kulturnych stawiznow
• fachowědomostne wudźěłanje wustajenskich koncepcijow a publikacijow
• wědomostna dokumentacija a techniska systematizacija muzejoweho wobstatka přez
• inwentarizaciju a archiwizowanje
• zjawnostne dźěło a kulturne sposrědkowanje přez wjedźenja, přednoški a prezentacije
• na projekty poćahowane sobudźěło we wobłuku muzejoweje pedagogiki

Požadanski čas kónči so 07.04.2021.

Wupisanje dźěłoweho městna: wolontariat kulturne stawizny 2021

Po informacijach zamołwiteje za projekty Spěchowanskeho kruha za serbsku ludowu kulturu, Weroniki Suchoweje, je so lětsa 37 zapodarjow z 67 kolekcijemi na wubědźowanju dorosćenych wo najrjeńše jutrowne jejko 2021 wobdźěliło. Na žurli Serbskeho domu w Budyšinje je jury wo prěnich městnach w šěsć kategorijach rozsudźiła.

Babette Zenkerowa (Dolna Łužyca), Wolfgang Kotissek (Slepjanski region), Jěwa-Marja Čornakec (Hornja Łužica) běchu lětuši čłonojo juryje.

Hač do kónc meje so dobyćerske kolekcije w kabineće Serbskeho muzeja prezentuja.

(* 11.9.1928 –  † 20.12.2020)

Serbski muzej žaruje wo nestorku serbskeho tworjaceho wuměłstwa Wóršu Lanzynu, kotraž zemrě 92lětna krótko do hód 2020.

Kreatiwnosć a tworićelske dźěło woznamjenitej za wuměłču tajke něšto kaž domizna, zwučeny teren, na kotrymž čuješe so wěsta, trjebana a wužadana.

Wórša Lanzyna čerpaše z bohatstwa słowjanskeje a serbskeje ludoweje kultury a ornamentiki. Wuchadźejo z toho wuwi cyle swójski barbypołny, zmysłojty a bujno-žiwy wuměłski rukopis. Za wšěm jeje wuměłskim skutkowanjom steješe radosć tworjenja a wjeselo nad fabulěrowanjom ju wobdawaceho žiwjenja. Žanry nałožowaneho wuměłstwa, w kotrychž je so Wórša Lanzyna pohibowała, so mjez sobu wudospołnjeja: ilustratiwnje powědajo formowaše figuralnoreliefowu keramiku, plakaty a knižne wuhotowanje wotbłyšćuja zajimawe rozrisanja z pomocu kaligrafije. W brilantnym wobknježenju wuměłskeho pisma ležeše drje wosebita sylnosć wuměłče, čehož wuraz su mnoho wuznamjenjenjow a připóznaćow na narodnej a mjezynarodnej runinje. Njeličomnym knižnym produkcijam spožči wobličo, kotrež wotbłyšćowaše princip jeje  tworićelskeho stila – zasadźowaše najwšelakoriše warianty pisma jako sposrědkowacy srědk, wědźo, zo zamóža typy runja wobrazam naladu, napjatosć abo harmoniju wuwołać.

Jako najkompleksniše wužadanje začuwaše Wórša Lanzyna nimo cyłografiskeho wupyšenja festiwalow serbskeje kultury, wuhotowanje serbskich folklornych hosćencow, zjaw, kiž ležeše wot kónca 1960tych lět sem w trenće časa. Tak nastachu pod jeje nawodom, charakteristiske hosćency kaž “Wódny muž” w Malešecach, “Hospoda” w Załomju, “Słónco” w Choćebuzu a klubowy hosćenc SLA “Wjelbik” w Budyšinje.

Zhromadnje ze swojim mandźelskim Steffenom Langu (1931–2006) zwjazowaše jeju najebać wobchowanja swójskeho wuměłskeho rukopisa a indiwidualneho charaktera jeju wuměłskeho wuwića, so wudospołnjace, płódne zhromadne tworićelske dźěło za Łužicu.

(fotografija: Jürgen Maćij, 1988)