Uncategorized

Zeznawamy pisane wuměłske twórby Jana Buka a prašamy so, hač je we wustajeńcy woprawdźe “wšitko jenož krajina ”.

Potom eksperimentujemy sami, zo bychmy skutkowanje a měšenje barbow zrozumili. Njezwostanje pak jenož při seršćowcu a barbje, tež mydło z najlubšu barbu produkujemy! Přizjewjenja pod ticket@sorbisches-museum.de abo 03591 270 8700.

kóšty: 5 €, staroba: wot 5 lět, čas: 10-12 hodź.

Po krótkim zawodźe k zeznaću serbskich stawiznow a kultury slěduje wopyt wosebiteje wustajeńcy “Wšitko je krajina. Serbski moler Jan Buk “.

• 13.00 hodź. w pólšćinje
• 15.00 hodź. w ukrainšćinje
• 16.00 hodź. w rušćinje

wjedźe: Jędrzej Soliński, wolontar, Serbski muzej

Restawraciski projekt parawenta z Chrósćic ze spočatka 19. lětstotka ze zběrki stareho Serbskeho muzeja je dźěl přihotowanjow wustajeńcy „Čej‘ da sy?“, kiž ma so wot 14. meje 2023 w Serbskim muzeju pokazać. Drježdźanski restawrator Roland Flachmann je stare škody na pomolowanju, kiž nastachu něhdy přez mokrotu, kaž tež ramik wuporjedźał.

Nalěwo je widźeć arcyjandźel Michał, kiž zběha ke škitej mječ nad městom, kotrež ma napadnu podobnosć z Budyšinom, ma pak prawdźepodobnje njebjeski Jerusalem předstajić. Pódla su widźeć dalše sceny: tři křiže na horje Golgota, Mójzes přijimuje dźesać Božich kaznjow na horje Sinai a Abraham wopruje swojeho syna Izaaka. Symbolika wopora a wumóženja w tutych wobrazach pohnu zawěsće něhdy k pobožnej modlitwje při chorołožu. Tola bě to tež drohotna pycha we jstwě kublerja. Pomolowane sćěny wokoło łoža słušachu wokoło lěta 1800 skerje k mobiliarej zemjanow a bohatych měšćanow. Zo wužiwachu so tež pola burow je lědma znate. Dla płódneje role wokoło klóstra Marijina hwězda wobhladowachu so Horjanscy burja něhdy jako zamóžići.

Restawraciska naprawa bu sobu financowana z dawkowych srědkow na zakładźe hospodarskeho plana, wobzamknjeny wot Sakskeho krajneho sejma. Serbski muzej dźakuje so Krajnemu zarjadej muzejownistwa za podpěru.

Kofej w třoch: “Postrow z Budyšina” – pohladnicy jako wuměłskostawizniske žórła

Historiske pohladnicy su wažne wuměłskostawizniske žórła, kotrež so husto za chroniki a domiznowědne publikacije wužiwaja. Kónc 19. lětstotka wikowachu so tež dopisnicy z łužiskimi a serbskimi motiwami. Zarjadowanje wěnuje so tutym małym wuměłstwowym objektam a horliwosći zběraćelstwa. Zběrka dopisnicow Serbskeho muzeja wobchowa wosebje serbske motiwy. Přeprošujemy Was wutrobnje, Waše swójske pohladniske a drastowe dopisnicy sobu přinjesć.

přednošuje: Ilona Bierlingowa

płaćizna: 4,50 € inkl. kofej a tykanc

Dźěłarnička “Serbska drasta a bodypainting? Wot party k borće“

Serbska drasta a bodypainting, hodźi so to scyła hromadźe? Štóž chce tole wědźeć, njech přińdźe na finisažu, 4. septembra wot 10-17 hodź. do Serbskeho muzeja w Budyšinje pohladać. Tam wotměje so workshop za młodych kreatiwnych pod hesłom „Wot party k borće“. Katrin Salmen a Matej Dźisławk pokazatej, što maš při pomolowanju wobliča z ornamentami a při portretowej fotografiji wšo wobkedźbować. Słowakski wustajenski projekt „PARTY w 21. lětstotku“ skića ideje tež za nas Serbow. Za hru ze symbolemi a barbami je wšelaka serbska swjedźenska pycha přihotowana. Štóž chce, móže sej swójski make-up, wěcy za šminkwanje a kameru sobu přinjesć. Tež młodźi mužojo su wutrobnje witani! Přizjewće so pod ticket@sorbisches-museum.de abo tel. 03591/2708700, kóšty 10 €.

Nimo toho poskići so w 15 hodź. němskořěčne wjedźenje, w 16 hodź. wjedźenje w serbskej rěči a w 17 hodź. zakónčaca rozmołwa z kuratorami wustajeńcy!

Pohladajće pod “kalender” abo “kubłanje a posrědkowanje”, tam namakaće naše prózdninske poskitki za dźěći a swójby. Tež septemberske zarjadowanja su tam hižo zapisane.

Njedźelu, 24.07.2022, přeprosy Andrea Pawlikowa na serbske kuratorske wjedźenje “Party w 21. lětstotku” w 14 hodź. Parta je tradicionelna słowakska nahłowna pycha njewjestow a družkow. Wustajeńca pokaza 53 partow ze wšelakich regionow Słowakskeje w kombinaciji z pomolowanjom wobliča modlow. Tradicija je tu modernje interpretowana, štož skića tež nam Serbam zajimawu inspiraciju.

P.S.: Znajeće hižo naše prózdninske poskitki? Hlej https://sorbisches-museum.de/kalender-4/?lang=wen

Wróćozhladujo na zarjadowani posledneho tydźenja bě wulki zajim pola wobdźělnikow spóznać – hač 22.6.22 na kwartalnym zarjadowanju “Kofej w třoch” abo při sobotnišej wuměłskej dźěłarničce “Wolij na płatnu”.

Jurij Łušćanski předstaješe molerja Jurija Hajnu a přeprosy zdobom tež wonu žonu, kiž bu jako 8 lětna holca portretowana.

Wuměłča Maja Nagelowa pokaza młodym talentam sobotu, kak so z wolijowymi barbami moluje. Při dobrej naladźe a z dobrymi pokiwami so wobdźělnicy krok po kroku z techniku rozestajachu. Na kóncu prěnje swójske twórby nastachu.

wobrazy namakaće na našej facebook-stronje: @sorbischesmuseum.