Uncategorized

Na literarno-hudźbny wječor přeprošuje Jürgen Maćij zhromadnje ze Serbskim muzejom pjatk, dnja 8. decembra. We 18 hodź. wjedźe kurator Alexander Pólk po wustajeńcy “Jürgen Matschie. Ducy domoj. Unterwegs nach Hause. Fotografije 1972-2022” w serbskej rěči. Přizamknje so w 19 hodź. literarno-hudźbny wječor na žurli. Měrana Cušcyna, Měrka Mětowa a Róža Domašcyna čitaja teksty z knihow Jürgena Maćija. Hudźbnje wobrubi program Jakub Čornak alias “Jacke Schwarz”. Zarjadowanje je w serbskej rěči, při prašenjach kontaktujće nas pod 03591 270 870 0 abo ticket@sorbisches-museum.de.

Měrka Mětowa, Róža Domašcyna a Měrana Cušcyna. foto: Jürgen Maćij

Srjedu, dnja 29. nowembra přeprosy kurator Jürgen Maćij zhromadnje z Němskej fototeku do Serbskeho muzeja na wjedźenje “Ducy domoj. Unterwegs nach Hause”. Přizamkny so rozmołwa “SPOTLIGHT #5” na žurli. Nawoda Němskeje fototeki dr. Jens Bove a kuratorka Archiwa fotografow dr. Agnes Matthias so z Maćijom wo jeho skutkowanju a dalšim pobytku twórbow w fototece rozmołwjaštaj. Cyłkownje 35 zajimcow wopyta zarjadowanje, kotrež tež jara čiłu diskusiju zbudźi. Temy kaž lěpšiny a njelěpšiny předwostajenstwa, Maćijowy stil minimalneje- abo scyła falowaceje inscenacije, abo (nje-)konkurenca na polu wuměłstwa přez kumštnu inteligencu so tu narěčichu.

Wjedźenje z Jürgenom Maćijom

FOTOTHEK.spotlight#5: rozmołwne koło

18 hodź.: wjedźenje po wustajeńcy „Ducy Domoj – Unterwegs nach Hause. Fotografien 1972 bis 2022“ z Jürgenom Maćijom, w němskej rěči

19 hodź.: FOTOTHEK.spotlight #5 „Mit Bildern meine Ordnung im Chaos der Welt schaffen.“

Rozmołwne koło z dr. Jensom Bove, nawodu Němskeje fototeki, dr. Agnes Matthias, kuratorku Archiwa fotografow a Jürgenom Maćijom wo jeho fotografiskim tworjenju kaž tež wo profilu a nadawku Němskeje fototheki a Archiwa fotografow. Zarjadowanje je w němskej rěči.

-> zarjadowanje fotoweho archiwa Němskeje fototeki

Koncerty z programom “Spěwy z brunicowych kónčin/ Spiwy z brunicowych regionow”

“Spěwy z brunicowych kónčin/ Spiwy z brunicowych regionow” je hudźbny projekt, kotryž je 2019/ 2020 we zwisku z wupisanjom “Čin sobu – mitmachsfonds Sachsen” nastał a so z koncertami předstajił. Nětko slěduja spočatk nowembra dalše koncerty.

Poslednje lěto je so dźěl spěwow nahrawał – mjezdruhim za nowy dokumentariski film wo Serbach “Bei uns heisst sie Hanka/ Pola nas rěka wona Hanka/ Pla nas gronje jej Hanka” wot režiserki Grit Lemke. Film měješe 10.10. 2023 swětowu premjeru na Lipsćanskim Dok – filmfestiwalu a so 7. a 12. 11. na filmowym festiwalu we Choćebusu znowa předstaji.

Spěwy pochadźeja ze Delnjeje Łužicy (we delnjoserbskej rěči) a ze slepjanskeje kónčiny a su wot Walburgi Wałdźic za 3 hłósny žónski ansambl aranžowane. Pólska huslerka Izabela Kałduńska projekt z huslemi, a techniskimi naprawami kaž z loopom a efektami přewodźa. Tak nastanu orchestralne zynki podobne filmowej hudźbje a spěwam z swójskim zwukowym wobrubjenjom wosebity wuraz dadźa.
Wotmysł projekta je na pokład spěwow z tutych kónčin pokazać, na nje dopomnić a w tekstach zakotwjene stawiznički hudźbnje rysować/ předstajić.

Jürgen Matschie.

Ducy domoj–Unterwegs nach Hause.

Fotografije/Fotografien 1972–2022

Eis auf dem Stausee

powitanje: Christina Boguszowa, direktorka Serbskeho muzeja

zawod do wustajeńcy: dr. Agnes Matthias, Drježdźany,  Němska fototeka/SLUB

hudźbne wobrubjenje: Matthias Hübner, Drježdźany, cello

Dźěłowe městno: wěcywobdźěłar za financy / sekretariat (m/ž/d) (cyfra: 2023-68273b)

Wjace pod https://www.landkreis-bautzen.de/stellen-und-ausbildungsangebote.php

Čas požadanja kónči so 12. nowembra 2023.

Wustajeńca „Čej´da sy?“ Serbskeho muzeja so njedźelu, 22.10.23 zakónči. Finisaža zahaji so z krótkimi wjedźenjemi w 15 hodź. w němskej rěči a w 16 hodź. a 16.30 hodź. w serbskej rěči. Prosymy wo přizjewjenje přez ticket@sorbisches-museum.de abo telefonisce 03591 270 870 0.

W 17 hodź. přeprošuje LND hromadźe z muzejom na literarno-hudźbny wječor ze spěwnej skupinu Trojozynk. Z knihi „Čej´da sy?“ čitataj Damian Dyrlich a Julian Nyča ze swojeju přinoškow wo Serbskim gymnaziju a serbsko – němskich poćahach.

Wustajeńca je hač do njedźele wšědnje wot 10-18 hodź. přistupna.

5.10.2023 + 12.10.2023 wot 10 hodź.

Prózdninski poskitk „Wšitko samozhotowjene – mydło a tekstilne wuhotowanje“
Wuhotujće waše T-shirty abo płatowe měški z płatowymi barbami, pisakami, parličkami, atd. sami! Wo čistej ruce stara so samodźěłane mydło za doma. Přizjewjenje pod ticket@sorbisches-museum.de, popłatk 7 €, wot 6 lět

Jedne městno – mnoho rěčow

Serbski muzej je zetkawanišćo za ludźi z regiona a ze cyłeho swěta. Tu nadeńdźeš rěčnu mnohotnosć. Na tutym dnju přeprošuje Serbski muzej mjezynarodnych hosći w 15 hodź. na wjedźenje w pólskej rěči a w 16 hodź. na wjedźenje w jendźelšćinje. Stawizny Serbow a wosebita wustajeńca “Čej´da sy?” so při tym předstajeja.

Krajnoradny zarjad Budyšin, Zarjad za wokrjesne wuwiće, wupisa za Serbski muzej

• kuratorske městno wobłuk kulturne stawizny / literatura (m/ž/d) (cyfra: 2023-68259)
• wěcywobdźěłar za financy / sekretariat (m/ž/d) (cyfra: 2023-68273)

Wjace pod https://www.landkreis-bautzen.de/stellen-und-ausbildungsangebote.php

Požadanski čas za wobej wupisani kónči so 24.9.2023.