Mamy tež w tutym lěće zaso pisany program za jutrowny kónctydźenja přihotowany. W našej wosebitej wustajeńcy zhoniće wšitko wo serbskich jutrownych nałožkach – hač jutrowne jěchanje abo jutrowna woda. Wězo móžeće tež dobyćerske jejka z wubědźowanja wo najrjeńše jutrowne jejko 2025 wobdźiwać. Dźěći smědźa so we walkowanju wuspytać abo wuhódać, što so w čujenskich kašćikach chowa. Namakaće wšitke jutrowne jejka na našim wimmelwobrazu?

W dźěćacym muzeju móžeće wot wulkeho pjatka hač do jutrowneje póndźele jejkowóskowarjam přez ramenjo kuknyć a jónkrótne wudźěłki kupić.

Sobotu, 19.04. w 15.00 hodź., zaspěwa chór Budyšin z. t. na žurli. Woni zanjesu klasiske chórowe spěwy serbskich ale tež druhich komponistow, runje tak kaž moderne serbske spěwy.