Party w muzeju!
Njedźelu, 24.07.2022, přeprosy Andrea Pawlikowa na serbske kuratorske wjedźenje “Party w 21. lětstotku” w 14 hodź. Parta je tradicionelna słowakska nahłowna pycha njewjestow a družkow. Wustajeńca pokaza 53 partow ze wšelakich regionow Słowakskeje w kombinaciji z pomolowanjom wobliča modlow. Tradicija je tu modernje interpretowana, štož skića tež nam Serbam zajimawu inspiraciju. P.S.: Znajeće hižo naše […]
Pytamy wosobje za “wědomostny wolontariat”
Krajnoradny zarjad pyta za Serbski muzej dweju wědomostneju wolontarow ze ćežišćomaj kulturne stawizny a wědomostna dokumentacija. Nadrobniše informacije k wupisanju pod: www.landkreis-bautzen.de/stellen-und-ausbildungsangebote.php Čas požadanja: hač do 10.07.2022
Zarjadowani w smažniku
Wróćozhladujo na zarjadowani posledneho tydźenja bě wulki zajim pola wobdźělnikow spóznać – hač 22.6.22 na kwartalnym zarjadowanju “Kofej w třoch” abo při sobotnišej wuměłskej dźěłarničce “Wolij na płatnu”. Jurij Łušćanski předstaješe molerja Jurija Hajnu a přeprosy zdobom tež wonu žonu, kiž bu jako 8 lětna holca portretowana. Wuměłča Maja Nagelowa pokaza młodym talentam sobotu, kak […]
Dźěłarnička “Wolij na płatnje” 25.06.2022
Dźěłarnička “Wolij na płatnje” Zhromadnje z Maju Nagelowej nawuknjeće krok po kroku molowanje z wolijowymi barbami. Předznajomosće njejsu trěbne, material so w muzeju skići. Datum: 25.06.2022 wot 10 do 16 hodź. Přizjewjenje pod: ticket@sorbisches-museum.de a 03591 270 870 0
Kofej w třoch “Jurij Hajna” – 22.06.2022
Jurij Hajna (*11.9.1877, +6.9.1952) słuša do prěnjeje generacije profesionalnych serbskich wuměłcow, molerjow. Nimo toho słuša tež k załožerjam Zwjazka serbskich tworjacych wuměłcow a sta so z čłonom Łužiskeho zwjazka wuměłcow. W přednošku so jeho žiwjenje a skutkowanje rozłoži. přednošuje: Jurij Łušćanski płaćizna: 4,50 € inkl. kofej a tykanc
08.06.2022: Wjedźenje “Party w 21. lětstotku” a přednošk
We 18 hodź. přeprošuje Andrea Pawlikowa na kuratorske wjedźenje “Party w 21. lětstotku”. w 19 hodź. slěduje přednošk “Narodna drasta a identita we wuchodnej srjedźnej Europje”, z dr. Anna Novikov, historikarka a kulturna wědomostnica na Greifswaldskej uniwersiće.
Kuratorske wjedźenje “Party w 21. lětstotku” dnja 05.06.2022
Andrea Pawlikowa přeprošuje na wjedźenje po wustajeńcy “Party w 21. lětstotku”, njedźelu dnja 05.06.2022. 14 hodź.: w serbskej rěči 15 hodź.: w němskej rěči Prosymy wo přizjewjenje pod 03591 270 870 0 abo ticket@sorbisches-museum.de
Serbska drasta a bodypainting?
Serbska drasta a bodypainting, hodźi so to scyła hromadźe? Štóž chce tole wědźeć, njech přińdźe sobotu 21.meje wot 10-17 hodź. do Serbskeho muzeja w Budyšinje pohladać. Tam wotměje so workshop za młodych kreatiwnych pod hesłom „Wot party k borće“. Katrin Salmen a Matej Dźisławk pokazatej, što maš při pomolowanju wobliča z ornamentami a při portretowej […]
Comic Dźěłarnička, 7. meje 2022
Sobotu, dnja 7. meje 2022 wot 10 do 15 hodź. přeprošujemy na comic-dźěłarničku ze Štefanom Hanušom. Kurs je darmotny a wotměje so w ramiku spěchowanskeho projekta “Jan Buk digital – wuměłska digitalna kniha”. Přizjewjenje hač do pjatka pod: m.oschika@sorbisches-museum.de abo 03591 270 870 28.
Finisaža – Wjedźenje 24. apryla 2022 w 15 hodź.
Finisaža – “5 x Němska po wšěm swěće. W špihelu migracije” Fotowa wustajeńca wobswětluje potomnikow němskich wupućowarjow na 5 kontinentach swěta, kotřiž běchu w zašłych lětstotkach Němsku wopušćili. Su to Němcy w Brazilskej, Mexiku, Rumunskej, Ruskej a w Južnej Africe. Za to poda so Hamburgski fotograf Jörg Müller na jězbu, zo by ludźi a jich […]
Serbski muzej spěchuje so přez Załožbu za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot zapósłancow Zwjazkoweho sejma, Krajneho sejma Braniborskeje a Sakskeho krajneho sejma, kaž tež přez wokrjes Budyšin a Kulturny rum Hornja Łužica-Delnja Šleska. Serbski muzej je zarjadnišćo wokrjesa Budyšin.