Projekt ZARI – syć za serbsku rěč a regionalnu identitu a Serbski muzej přeprošujetaj na přichodne zarjadowanje w ramiku wosebiteje wustajeńcy “Što rěka tu mjeńšina? Danojo. Frizojo. Serbja/Serby. němscy Sinti a Roma. Delnjoněmcy” štwórtk, 24.04.2025, w 10.45 hodź. Pod hesłom “Mjeńšiny, klišeje a zwobraznjenje awtochtonych ludow w towaršnosći wjetšiny” chcemy zhromadnje z kuratorom dr. Robertom Lorencom wo zwobraznjenju mjeńšinow a awtochtonych skupinow we wuměłstwje a towaršnosći rěčeć a wo wužadanjach při wobchadźe z klišejemi. Do zarjadowanja wobsteji wot 10.00 hodź. móžnosć wustajeńcu wobhladać.

Tute zarjadowanje měri so wosebje na sobudźěłaćerjow a sobudźěłaćerkow serbskich institucijow.