16 hodź.: Wjedźenje w pólskej rěči „Słowjanske poćahi w serbskej kulturje a prěni dohlad do ukrainskeje wosebiteje wustajeńcy “

17 hodź.: Wjedźenje w ruskej rěči „Słowjanske poćahi w serbskej kulturje a prěni dohlad do ukrainskeje wosebiteje wustajeńcy “

Wuprawa z Arndom Matthesom “Łužiske ludowe wašnje twarjenja na puću k swětowamu kulturnemu herbstwu”

W ramiku wustajeńcy přewjedźe so busowa jězba k wosebitym twaram łužiskeho ludoweho wašnja twarjenja. Přistup je we 8.40 hodź. w Radworju na nawsy abo w 9.00 hodź. w Budyšinje při Lawskich hrjebjach, směr nutřkowne město. Jězba wjedźe do Habrachćic, Eibau, Obercunnersdorf a Sowrjec. Po poslednjej staciji we Wadecach wróćimy so w 17 hodź., přizjewjenje: ticket@sorbisches-museum.de, abo 03591 270 870 19 (Andrea Pawlikowa).

Popłatk wobdźělnikow přez 20 € so w busu rano zapłaći.

• 8.40   hodź.     přistup w Radworju, na nawsy, móžny -> prošu do toho w muzeju přizjewić
• 9.00   hodź.     start w Budyšinje, Lawske hrjebje (směr nutřkowne město)
• 10.00 hodź.     Habrachćicy, Stara róla
• 11.00 hodź.     Habrachćicy, Dom Hugenottow
• 12.00 hodź.     Eibau, Faktorenhof
• 13.00 hodź.     wobjed w bróžni w Faktorenhof -> so w busu potom skaza a priwatnje w hosćencu płaći
• 14.30 hodź.     Obercunnersdorf, saněrowanski objekt
• 15.30 hodź.     Sowrjecy, serbski burski statok z “čornej kuchnju”
• 16.25 hodź.     Wadecy, serbski burski statok
• 17.00 hodź      nawrót do Budyšina

18. Septembra přeprošujemy we 18 hodź. na kuratorske wjedźenje z dr. dr. Betinu Kaunowej po wosebitej wustajeńcy “Twarski inženjer Eberhard Dučman. Mjez łužiskej drjewowej architekturu a industrielnym twarjenjom”. Přizamknje so přednošk w 19 hodź. dr. Alfred Roggana “Serbska twarska kultura: fakt abo mylna interpretacija němskich hladarjow pomnikow hač do lěta 1920?”.

cyły dźeń je zastup darmo

wosebity poskitk mjez 14 a 17 hodź.:

– hodźinske wjedźenja po trajnej a wosebitej wustajeńcy

– kabinetna wustajeńca „Twarić a bydlić w měsće přichoda“

– kreatiwny poskitk za dźěći w kabineće

“Pjenježk, najgróš, nórt a hriwna – wo stawiznach pjenjez“

Znate přisłowo měni drje, zo so wo pjenjezach rěčeć nima, ale runje to je tema našeho zarjadowanja. Referent Alexander Pólk přednošuje wo powšitkownych stawiznach pjenjez a rozłoži na přikładach z numismatiskeje zběrki muzeja jich woznam w serbskich stawiznach a serbskej kulturje. (płaći: 4,50 €)

chorosće dla so koncert njewotměła, nowy termin budźe 18.12.

“Gastspiel CASAPIETRA – Die schönsten Himmelslieder”

-> klasiske twórby kaž “Ave Maria, “Ave Verum”, “Eine Mondscheinnacht”,  “Hallelujah”, atd.

Na slědy serbskich Wojerec poda so sobotu 10. awgusta Spěchowanske towarstwo Serbskeho muzeja z Budyšina. Bywši referent Domowiny Werner Sroka wjedźeše po měsće, kiž bě něhdy srjedźišćo serbskeje holanskeje kónčiny, 1912 kolebka Domowiny a w 1950ych lětach přechodnje serbski centrum Łužicy. Wo změnach přez industriju, z tym zwjazanym přeněmčenjom a wo róli šule w běhu časow zhonichu zajimcy w šulskej a domizniskej stwě w Ptačecach wot Martiny Pečikoweje.

Lube dźěći, starši kaž tež wowki a dźědojo – wjeselimy so hižo na lěćne prózdniny a smy wšelake poskitki přihotowali. Tuž hač do bórze!

04.07.2024 + 11.07.2024, 10 – 12 hodź.: Twarić a bydlić w měsće přichoda

Kak předstajimy sej přichod: bydlenja, drastu, žiwjenske wašnje, mobilitu, ludźi, přirodu a twarstwo? K tomu wopytamy wosebitu wustajeńcu a potym swójske kreatiwne ideje namolujemy abo paslimy sej naše měst(n)o přichoda. Wudźěłki so 08.09.2024 na Dnju wotewrjeneho pomnika w muzeju prezentuja. (staroba: wot 6 lět, płaćizna: 6 €)

09.07.2024 + 23.07.2024, 10 – 11.30 hodź.: Što nam wobrazy powědaja

Wupytamy sej w galeriji Serbskeho muzeja wuměłske twórby, kiž nas wosebje narěča. Ze zynkami a słowami wopisujemy a wotrysujemy wupytany wobraz. Štó z was ma najlěpšu stawiznu k swojemu wobrazej? (staroba: 5 lět, płaćizna: 4 €)

25.07.2024, 10 – 11.30 hodź.: Na slědach serbskich bajow

Tutón program wjedźe najprjedy přez stajnu wustajeńcu, w kotrejž móža šulerjo schowane bajowe figury nadeńć. K tomu předstaja so jednotliwe baje abo bajki. Potom smě kóždy swoju najlubšu figuru molować. (Staroba: 5 lět, płaćizna: 4 €)

 30.07.2024, 10 – 12 hodź.: Mosaikowe wobrazy

Chcemy wuknyć, kak hodźa so wšelakobarbne keramiske kamužki k dekoratiwnemu mustrej zestajeć abo kak wuhotuje so wobrazowy motiw. Štóž chce, njech tež wobraz jako mozaik sam moluje. (staroba: wot 5 lět, płaćizna: 6 €)

-> Přizjewjenja pod: ticket@sorbisches-museum.de abo 03591 270 870 0.

Na prěnim zjawnym předstajenju noweje wustajenskeje koncepcije za nowotwar Serbskeho muzeja wobdźěli so něhdźe 40 zajimcow w Serbskim domje. Jan Budar wot Załožby za serbski lud jako nošer projekta, dr. Ulrich Hermanns wot grafiskeje firmy Ausstellung Medien Transfer GmbH a Christina Boguszowa jako wjednica muzeja kaž tež dalši muzejownicy wopisachu prěnje ideje a dźěłowy staw. Nowa trajna wustajeńca njebudźe chronologiska, ale modularnje natwarjena. Temowe wobłuki zahaja so w přitomnosći, sahaja wróćo do zašłych lětstotkow a kónča zaso w přitomnosći. Namjet z publikuma, tež přichod zaplesć, muzejownicy rady přiwzaja. Wjele dobrych idejow a impulsow so na zjawnej diskusiji nahromadźi. Tež kritiske přispomnjena pomhaja dale koncepciju wuwić.

Załožba za serbski lud a Serbski muzej přeprošujetej wutrobnje wšitkich zajimcow, sej prěnje koncepcionelne ideje za nowu trajnu wustajeńcu Serbskeho muzeja w přichodnym „Serbskim forumje wědy na Lawskim arealu“ wobhladać. Předstaji so tuchwilny staw planowanja. Za koncepciju zamołwity wuhotowanski běrow Dr. Hermanns Ausstellung Medien Transfer GmbH zarjadowanje moderěruje. Dwě hłownej prašeni tworitej žro zarjadowanja: Kak rozdźěla so rumnosće a wustajenišća w nowotwarje a kotre inowacije na hosći noweho muzeja w přichodźe čakaja? Rady chcemy zajimcow do procesa wuwića zapřijeć a witamy swójske mysle a dodawki.

Zarjadowanje so tež přez livestream (Youtube-kanal Załožby) přenjese, direktny link namakaće sčasom na internetnej stronje stiftung.sorben.com.

termin: póndźelu, 24.06.2024 w 17 hodź. na žurli Serbskeho domu (Póstowe naměsto 2, Budyšin)