Zakónčace zarjadowanje wosebiteje wustajeńcy “Wotmolowane”
Posledni króć přeprošuje Serbski muzej na wjedźenje z kuratorom Jürgenom Maćijom a zdobom na finisažu wosebiteje wustajeńcy “Wotmolowane”. Wuspěšna wustajeńca witaše z 11 zarjadowanjemi něhdźe 2300 wopytowarjow. Njedźelu, dnja 05.03.2017 w 15 hodź. skići so poslednja móžnosć, sebi přez 250 historiskich fotografijow wobhladać.
Někotre z najstaršich zwobraznjenjow serbskich wosobinow z 1850tych lět so pokazuja. Za wšitkich zajimcow je tež zběrka tutych wobrazow z dalšimi informacijemi jako kniha w Ludowym Nakładnistwje Domowina wujšła. Nimo zajimawych wobrazow pokaza wustajeńca historisku techniku a napodobnjeny historiski ateljej.
Póstniski poskitk – paslenje maskow!
Camprowarjo a nory!
Bórze je zaso póstniski čas! A z čim by móhł lěpje na so skedźbnić, hač z twojej samopaslenej, luboznje wuhotowanej – masku?!
W tradiciji nowolětnych a póstniskich camprowanjow wuhotujemy masku z pomocu předłohi a papmašeja. Waše ideje a namjety su nam witane! Hižo zhromadne lěpjenje a wuhotowanje lubi wjele wjesela!
K dispozicij stejitaj terminaj do prózdninskeho časa:
štwórtk a pjatk, dnja 9.2.17 a 10.2.17 w 15.00 hodź.
Přidatnje poskićamy štyri terminy w času zymskich prózdnin:
štwórtk a pjatk, dnja 16.2.17 a 17.2.17 w 10.00 hodź.,
kaž tež w sćěhowacym tydźenju
štwórtk a pjatk, dnja 22.2.17 a 23.2.17 potom w 15.00 hodź.
Popłatk je 0,50 € + zastup na wobdźělnik. Prosymy wo přizjewjenje pod 03591 270 870 17
Jónu z profijemi dźěłać! Dožiw fotografisku dźěłarničku z prawym fotografom!
Za přichodne zymske prózdniny poskićimy w Serbskim muzeju něšto wosebite za wšěch zajimcow fotografije we wšěch starobnych skupinach!
Wobdźěliće so na dźěłarničce z nazhonitym profijowym fotografom a změjeće składnosć, sami fotografować kaž tež zhromadnje wobrazy wuhódnoćić. W druhim dźělu dźěłarnički maja so starše fotografije wot Was diskutować. Na tute wašnje dóstanjeće wjele pokiwow za Waše dźěło z fotowym aparatom.
Trěbne je, zo Was Waše starši najpozdźišo w běhu druheho februarskeho tydźenja přizjewja. Waš fotowy aparat a wobrazy, kotrež so Wam lubja, dyrbiće wot doma sobupřinjesć. Dźěłarnička wotměje so pod nawodom Jürgena Maćija.
Dźěłarnička wobsteji z dweju dźělow. K přenjemu razej wotměje so srjedu, dnja 15.2.2017 wot 9.00 – 13.00 hodź. a po tym hišće raz srjedu, dnja 22.2.2017, tohorunja wot 9.00 – 13.00 hodź.
Terminy: 15.2.2017, 9.00 – 13.00 hodź.
22.2.2017, 9.00 – 13.00 Hodź.
Zetkamy so w foyeru Serbskeho muzeja na Budyskim hrodźe.
Móžnosć, so na jednotliwym terminje wobdźělić, wobsteji. Druhi termin pak wobsahowje na prěni termin nawjaza.
wědomostny wolontariat
Wot januara 2017 dźěła Mónika Ošikowa jako wědomostna wolontarka w Serbskim muzeju. Na dwě lěće ma tu dohlad do wšěrokeho muzeologiskeho dźěła dóstać. Studowana krajna architektka wěnuje so hłownje muzeologiskej pedagogice, wutworjenju programow a přewjedźenje wjedźenjow. Dale stara so tež wo zjawnostne dźěło. Po dlěšim praktikumje w Kamjenskim muzeju Elementarium wjeseli so tu na wopytowarjow Serbskeho muzeja.
Knižna premjera wobrazoweju zwjazkow z historiskimi fotografijemi Łužicy
Na knižnu premjeru wobrazoweju zwjazkow z historiskimi fotografijemi Łužicy wot spočatka hač do 1930tych lět přeprošujetej LND a Serbski muzej
srjedu, 22. 02. 2017, 19.00 hodź., do Serbskeho muzeja, Budyšin.
Wudawaćel Jürgen Maćij kaž tež awtorki Andreja Pawlikowa, Marija Měrćinowa a Martina Nowakojc předstaja zwjazkaj, kotrejž wěnujetej so Hornjej kaž tež Delnjej Łužicy. Wšitcy zajimcy su wutrobnje přeprošeni.
18.00 hodź. wotměje so w Serbskim muzeju w Budyšinje wjedźenje z kuratorom Jürgenom Maćijom po wosebitej wustajeńcy ze samsnym titulom.
Wotewrjenski čas k hodam a k nowemu lětu
24.12.2016, 25.12.2016 a 31.12. wostanje Serbski muzej zawrjeny.
26.12.2016 a 1.1.2017 wot 13.00 – 18.00 hodź. wotewrjeny.
Wosebity swójbny wobraz
Chcemy našim hosćom rjane adwentne dožiwjenje popřeć. Přeprošujemy Was tuž wutrobnje na naše swójbne popołdnjo dokoławokoło fotografije.
Wosebje w dohodownym času přeješ sej rjanu dopomnjenku na zhromadne swójbne dožiwjenje. Swójbny portret w ateljejowej kulisy by móhła tajka dopomnjenka być.
Składnostnje tučasneje wosebiteje wustajeńcy „Wotmolowane. – Mit Licht gemalt.“ wo tema zažneje fotografije w serbskimaj Łužicomaj, chcemy dobu, hdyž běše wopyt pola fotografa wosebitosć, wožiwjeć. Podajće so z nami na časowu jězbu k spočatkam fotografije.
Mjeztym, zo so Waš wobraz pola nas „wuwije“, móžeće z Wašimi dźěćimi kwizy wupjelnić a přichodny ramik za wobraz wupyšić. Wězo zmejemy tež přikusk a horce napoje za Was přihotowane.
Wjeselimy so na Wašu cyłu swójbu!
Hdy: Njedźelu, dnja 04.12.2016 15.00 – 18.00 hodź.
Hdźe: Serbski muzej, Hród 3
Zastup: dorosćeni 5 €, dźěći 2,50 €, swójbna karta 10 €
Terminy za muzejowy kofej klětu.
Tež přichodne lěto chcemy Was zaso na muzejowy kofej wutrobnje přeprosyć.
Po dołhej klawzurje, móžemy Wam za kapsnu protyku skónčnje terminowy přehlad dać:
29.03.2017, 10.05.2017, 09.08.2017 a 29.11.2017 přeco w 15.00 hodź. w muzejowym kabineće.
Lětsa wobsteji hišće móžnosć 30.11.2016 na muzejowy kofej k temje serbskich motiwach na pohladnicach přinc. Tohorunja w 15.00 hodź.
Wjeselimy so na Waš wopyt!
Namołwa!
Prěni raz wěnuje Serbski muzej w Budyšinje wot 09.10.2016 hač do 01.03.2017 wosebitu wustajeńcu stawiznam fotografije we Łužicy a prašenju, hdy jewjachu so w fotografijach serbske elementy jako wotmolowanja hódny motiw. (Hlej: https://sorbisches-museum.de/?lang=wen) K tomu přehladachu so we łužiskich archiwach a muzejach kaž tež pola priwatnych wosobow njesměrnje wjele originalnych fotografijow.
Wobsedźiće tež wy zajimawe historiske wobrazy z časoweje doby 1850 hač do 1930? Potom njedwělujće a poskićće tute Serbskemu muzejej za čas wustajeńcy abo jenož na wobmjezowanu chwilu! Za to stej dwě wosebitej sćěnje rezerwowanej. Prošu přizjewće so pola nas, zo bychmy motiwy wupytali. Z tym móžeće přinošować, zo so wustajeńca stajnje znowa přeměnjuje. Stawizny su žiwe wot žiweho kaž tež wot zachodneho wokomika; žadyn druhi medij njewujasni to tak jasnje kaž fotografija.
Přichodny muzejowy kofej so kónc nazymnika wotměje.
Dla wjacorych próstwow našeho “kruteho kruha” wopytowarjow smy so rozsudźili přichodny muzejowy kofej hižo na srjedu, dnja 30.11.16 w třoch přepołožić.
Tónraz je tema “„Postrow ze Serbow“ – Serbske motiwy na historiskich fotach a pohladnicach.
Přednošuje naša kuratorka Andrea Pawlikowa. Z organizatoriskich přičin prosymy po móžnosći wo přizjewjenje.
Štóž chce, smě rady tež swójske pohladnicy abo historiske fotografije ze serbskimi motiwami sobupřinjesć.
Wjeselimy so na Waš wopyt!
Serbski muzej spěchuje so přez Załožbu za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot zapósłancow Zwjazkoweho sejma, Krajneho sejma Braniborskeje a Sakskeho krajneho sejma, kaž tež přez wokrjes Budyšin a Kulturny rum Hornja Łužica-Delnja Šleska. Serbski muzej je zarjadnišćo wokrjesa Budyšin.
