Dar z Texasa
Wot tutoho měsaca wobohaći wosebity dar z Texasa zběrku Serbskeho muzeja.
Jedna so wo model originalneho zwona „Wendish Bell”, kotryž hižo přez mnohe lěta na kampusu uniwersity „Concordia” w Texasu steji. Original, zhotowjeny wot lijernje Gruhl w Małym Wjelkowje, je so 1854 wot wupućowarjow z Łužicy do Serbina přinjesł. Zwón wisaše na wěži wot „The First Wendish Church” – Prěnjeje Serbskeje cyrkwje a pozdźišeje „St. Pauls Lutheran Church” w Serbinje. Po tym přepoda so na „Concordia College of Texas” w Austinje, dźensniša „Concordia University” w Texasu. Model pokaza na stawizny serbskich ewangelskich wupućowarjow 19. lětstotka a budźe so w stajnej wustajeńcy pokazać.
Darićelej, dr. Davidej Zersenej, kiž je Prezident Emeritus, Concordia University w Texasu – wutrobny dźak!
Nazymnik – Pisane zarjadowanja za nazymski čas!
W nazymniku přeprošuje Serbski muzej na tři zarjadowanja. W zwisku z přehladku „KRABAT. Muž. Mytos. Marka.“ wotměje so srjedu, dnja 15.11.17 we 18.00 hodź. wodźenje po wosebitej wustajeńcy. Na to sćěhuje němskorěčacy přednošk stawiznarja Martina Nowakowskeho w 19.00 hodź. pod titulom „Anzeige, Folter, Feuertod: Die Hexenverfolgung der Frühen Neuzeit in der Oberlausitz.“
Sobotu, dnja 18.11.17 so w muzeju kuzła! Dźěćace popołdnjo z Gerhardom Wroblom započina so 16.00 hodź. W 17.00 hodź. pokazamy serbski siluetowy trikowy film „Sedmy rapak“ z lěta 2011.
Kónc nowembra je zaso jónu čas na kofej, tuž přeprošuje restawrator Jan Bart na štwórty Kofej w třoch pod titulom „Drjewo, hlina, słoma – zdźerženje a spad wosebitosće łužiskeje architektoniskeje krajiny.“
Wjeselimy so na Waš wopyt!
Prěnje sceniske wodźenje po krabatowej wustajeńcy
Sceniske wodźenje
Prěni z třoch krutych terminow za sceniske wodźenja je njedźelu, dnja 15.10.2017 w 15.00 hodź. Sceniske wodźenje? – Haj, so wě! Dieter Klimek, Wolfgang Kraus a Hans-Jürgen Schröter wustupuja w jich wotpowědnej roli jako Čorny Młynk, Krabat a Pisar a přewodźuja na zabawne wašnje po wustajeńcy. Přidatne wodźenja z Krabatom a Pisarjom hodźa so přez Serbski muzej knihować.
Poskitki za nazymske prózdniny
Za čas nazymskich prózdnin poskićuje Serbski muzej wjacore programy. Młodym zajimcam předstaji so při dźěćacym wodźenju serbski rjek wosebiteje wustajeńcy „KRABAT. Muž. Mytos. Marka.”. Dalši poskitk pokaza dźěćace žiwjenje něhdy. W druhim prózdninskim tydźenju wobsteji hišće raz móžnosć, město Budyšin přez dyrdomdejske wodźenje zeznać.
Terminowa zestawa:
štwórtk, dnja 5.10.2017
10.00 hodź. wodźenje za dźěći „Krabat – Serbski kuzłar a rjek”
pjatk, dnja 6.10.2017
Dźěćatstwo něhdy
10.00 hodź. – serbsce
13.00 hodź. – němsce
wutora, dnja 10.10.2017
10.00 hodź. Dyrdomdejske wodźenje po měsće
štwórtk, dnja 12.10.2017
14.00 hodź. wodźenje za dźěći „Krabat – Serbski kuzłar a rjek”
Kónc tydźenja po prózdninach sćěhujetej dwě tohorunja zajimawej zarjadowani
Swójbny poskitk
Štóž ma wotpohlad sej trajacu dopomnjenku spaslić, móže to sobotu, dnja 14.10.2017 w dźěłarničce „Rjekojo z filca” wot 10.00 do 17.00 hodź. Pod nawodom Reginy Herrmannoweje so ručne klanki serbskich bajowych postawow pasla. Regina Herrmannowa je wuměłča, kotraž je jónkrótne figuriny za Serbski muzej w Budyšinje a za Serbski muzej w Choćebuzu wuhotowała.
Za wobdźělenje wza so materialny popłatk we wysokosći 5,00 € na wosobu. Wobmjezowanych městnow dla, prosymy wo přizjewjenje pod sekretariat@sorbisches-museum.de .
Sceniske wodźenje
Prěni z třoch krutych terminow za sceniske wodźenja je njedźelu, dnja 15.10.2017 w 15.00 hodź. Sceniske wodźenje? – Haj, so wě! Dieter Klimek, Wolfgang Kraus a Hans-Jürgen Schröter wustupuja w jich wotpowědnej roli jako Čorny Młynk, Krabat a Pisar a přewodźuja na zabawne wašnje po wustajeńcy. Přidatne wodźenja z Krabatom a Pisarjom hodźa so přez Serbski muzej knihować.
Tu namakaće: -> zarjadowanski program za posledne štwórćlěto 2017
Přednošk a wodźenje k žiwjenju Johanna von Schadowitza – Krabata Hornjeje Łužicy
Po derje přiwzatym wotewrjenju wustajeńcy „KRABAT. Muž. Mytos. Marka.” je čas, hižo na prěnje ramikowe zarjadowanja k wustajeńcy we winowcu skedźbnić.
Tema prěnjeho zarjadowanja srjedu, dnja 4.10.2017 je hladajo na aliteraciju titula „…Muž. Mytos. Marka” – wony „muž” za postawu Krabata.
Referent tutoho wječora, genealoga Hans-Jürgen Schröter, je wjac hač dźesać lět žiwjenje von Schadowitza přeslědźił a smě so z połnym prawom jako hłowny biograf Schadowitza hódnoćić. Na přikład namaka wón wažne dokumenty wo nim a pomhaše při rekonstruowanju jeho napohlada. Tutón so přez jěcharsku figurinu we wustajeńcy zwobrazni.
Zajimawy je wězo tež uskokski pochad rytmištra, na kotryž so tohorunja skedźbni.
Srjedu, dnja 4.10.2017 wodźi Hans-Jürgen Schröter wot 18.00 hodź. po wosebitej wustajeńcy z widom na stawizniske pozadki k von Schadowitzej.
Při tutym wodźenju skići so Wam móžnosć, jedyn z najdrohotnišich eksponatow w originalu widźeć. Jedna so wo akwarel „Nastup wójska sakskeho kurwjercha Johanna Georga I. před Budyšinom 1620”.
W 19.00 hodź. započina so přednošk „Aus dem Leben des Johann von Schadowitz. Krabat der Oberlausitz.”
Zjimanje:
datum: srjeda, dnja 4.10.2017
čas: 18.00 hodź wodźenje po Krabatowej wustajeńcy
19.00 hodź. přednošk „Aus dem Leben des Johann von Schadowitz
Krabat der Oberlausitz” w němskej rěči.
hdźe: Serbski muzej, Budyšin, Na hrodźe, wosebita wustajeńca a na žurli.
Zastup: 5 €
Serbski muzej – Dźeń wotewrjeneho pomnika z wuspěchom wotměł.
Wčera wječor, dnja 10.9.2017 wozjewichu so ličby wopytowarstwa jednotliwych wobdźělnikow na dnju wotewrjeneho pomnika 2017. Wjac hač 550 wopytowarjow je na Dźeń wotewrjeneho pomnika do Serbskeho muzeja přišło, mjez nimi mnozy, kotřiž su tule na lězownosći Budyskeho hroda abo we wokolinje wotrostli respektiwnje jón z dźěćatstwa znaja.
Tež klětu chcemy so přez žołtu chorhoj jako objekt wupokazać.
Na žurli muzeja, něhdyšej žurli přisažneho sudnistwa, pokazachu so reprodukcije archiwnych žórłow wot 1868–1906 nastupajo ležownosće za přisažne sudnistwo. Tohorunja wustajechu so fotografiske reprodukcije z doby rekonstrukcije žurle mjez 1987 a 1989.
Angažowany personal jara na to dźiwaše, zo skerje nichtó žurlu bjez brošurki za přichodnu wustajeńcu wo Krabaće njewopušći.
Poskitki za nazymske prózdniny
Za čas nazymskich prózdnin poskićuje Serbski muzej wjacore programy. Młodym zajimcam předstaji so při dźěćacym wodźenju serbski rjek wosebiteje wustajeńcy „KRABAT. Muž. Mytos. Marka.”. Dalši poskitk pokaza dźěćace žiwjenje něhdy. W druhim prózdninskim tydźenju wobsteji hišće raz móžnosć, město Budyšin přez dyrdomdejske wodźenje zeznać.
Terminowa zestawa:
štwórtk, dnja 5.10.2017
10.00 hodź. wodźenje za dźěći „Krabat – Serbski kuzłar a rjek”
pjatk, dnja 6.10.2017
Dźěćatstwo něhdy
10.00 hodź. – serbsce
13.00 hodź. – němsce
wutora, dnja 10.10.2017
10.00 hodź. Dyrdomdejske wodźenje po měsće
štwórtk, dnja 12.10.2017
14.00 hodź. wodźenje za dźěći „Krabat – Serbski kuzłar a rjek”
Kónc tydźenja po prózdninach sćěhujetej dwě tohorunja zajimawej zarjadowani
Swójbny poskitk
Štóž ma wotpohlad sej trajacu dopomnjenku spaslić, móže to sobotu, dnja 14.10.2017 w dźěłarničce „Rjekojo z filca” wot 10.00 do 17.00 hodź. Pod nawodom Reginy Herrmannoweje so ručne klanki serbskich bajowych postawow pasla. Regina Herrmannowa je wuměłča, kotraž je jónkrótne figuriny za Serbski muzej w Budyšinje a za Serbski muzej w Choćebuzu wuhotowała.
Za wobdźělenje wza so materialny popłatk we wysokosći 5,00 € na wosobu. Wobmjezowanych městnow dla, prosymy wo přizjewjenje pod sekretariat@sorbisches-museum.de .
Sceniske wodźenje
Prěni z třoch krutych terminow za sceniske wodźenja je njedźelu, dnja 15.10.2017 w 15.00 hodź. Sceniske wodźenje? – Haj, so wě! Dieter Klimek, Wolfgang Kraus a Hans-Jürgen Schröter wustupuja w jich wotpowědnej roli jako Čorny Młynk, Krabat a Pisar a přewodźuja na zabawne wašnje po wustajeńcy. Přidatne wodźenja z Krabatom a Pisarjom hodźa so přez Serbski muzej knihować.
Štom nadźije so bohaće pjelnił
Runja Lutherowemu wuprajenju: „A bych-li wědźał, zo jutře swět zańdźe bych dźens hišće jabłučinku sadźił”, mějachmy w rumnosćach wosebiteje wustajeńcy k reformaciji štom nadźije stejo. Wjele dźěći a dorosćenych pjelnichu pilnje jón z „jabłukami”, na kotrež pisachu sony a přeća. Kotre přeća to běchu? Najwažniše do přichoda je drje wopytowarjam měr na swěće a strowota. Ale tež wosobinske cile a sony wokoło swójby, dźěła a swójskeho přichoda zaběraja ludźi. Nětko pyši štom dźěćacy kabinet, wšako je reformaciska wustajeńca so zakónčiła.
Druhi, mjeńši štomik nasta na projektnym dnju Ralbičanskeje Serbskeje wyšeje šule. Tež tu so šulerjo z reformaciju zaběrachu a korjenjam, zdónkej a krónje štoma mysle, přeća a wažne zakłady přirjadowachu. Přeja sebi mjez druhim, zo so naša Łužica zdźerži a Serbstwo wostanje. Tutym přećam so rady přizamknjemy!
Zakónčenje reformaciskeje wustajeńcy
Z jara poradźenej finisažu zakónčichmy njedźelu, dnja 27.8.2017 wustajeńcu “Pjeć lětstotkow. Serbja a reformacija”.
Zarjadowanski program k wustajeńcy wobsahowaše dźewjeć zjawnych zarjadowanjow, tři přednoški a sydom zjawnych wodźenjow po wustajeńcy.
Mnoho šulskich a hortowych skupin je sej wustajeńcu wobhladało, zwjetša zwjazane z pedagogiskim poskitkom.
Staw wopytowarstwa leži pola něhdźe 5900 wopytowarjow. Za paralelnu wustajeńcu w Michałskej cyrkwi běchu tole 4800 wopytowarjow, to rěka wšo dohromady něhdźe 10700 wopytowarjow.
Wjeselimy so z wuspěšnej wustajeńcu, kotraž je wulke mnóstwo ludźi na relewancu reformaciskeho hibanja za wuwiće serbskeho naroda skedźbniła.
Přednošk dr. Lubiny Malinkoweje „Ochranow a Serbja”
Srjedu dnja 23.8.2017 w 19.00 hodź.
W lěće 1931 zwěsći zasłužbny serbski kulturnowědnik Ota Wićaz “Ochranowska Bratrowska Jednota je była studźeń najwjetšeho žohnowanja za naš lud. My Serbja dyrbimy Jednoće wěčnje dźakowni być.” Što pak Ota Wićaz ze “studnju žohnowanja” měni a za čo měli Serbja Bratskej Jednoće dźakowni być, na to chce serbskorěčny přednošk spytać wotmołwu dać.
(tekst: Lubina Malinkowa)
Serbski muzej spěchuje so přez Załožbu za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot zapósłancow Zwjazkoweho sejma, Krajneho sejma Braniborskeje a Sakskeho krajneho sejma, kaž tež přez wokrjes Budyšin a Kulturny rum Hornja Łužica-Delnja Šleska. Serbski muzej je zarjadnišćo wokrjesa Budyšin.
