Poskitki za prózdninski a lětny čas !
Oficialny započatk lětnych prózdnin so bliži! Husto sej swójby, dźěći a młodostni w prózdninach za nowych cilow prašeja. Za tutón pad mamy dźěłarničku „Stare mustry na nowych wěcach“ , dnja 16.07. a 27.07.16 jako kruty termin na poskitik. Wobsteji tež móžnosć, sej přidatne terminy wotrěčeć. Naše zwučene wjedźenja a programy za dźěći wězo dale poskićimy.
Dalši wuhlad:
Na pózdne lěćo, srjedu, 31.08.16 wotměje so pola nas, hišće raz w zwisku z wustajeńcu „Pruhi, kruhi, třiróžki“ temowy wječor. Wot 18.00 hodź. wjedźe so přez wustajeńcu a w 19.00 hodź. započina so zjawna rozmółwa (podiumowa diskusija) k temje „Serbske ludowe wuměłstwo w 21. lětstotku?“. Wjacori znaći ludowi wuměłcy budu přitomni.
Wočakujemy žiwu diskusiju.
Přiwisnicy muzejoweho kofeja njech sej srjedu, 07.09. 2016 w 15.00 hodź. spomjatkuja. Potom rěči naš restawrator wo njewšědnym eksponaće z našeje zběrki.
Wažne pokiwy za čas lětneho dźiwadła!
Lubi wopytowarjo, lubi hosćo a přećeljo Serbskeho muzeja!
Wot 09.06.2016 dožiwi nam z dźěćatstwa znata banda – “Olsenbande” swoje dyrdomdejstwa na hrodźe! NSLDź předstaji hru “Die Olsenbande und der große Hintermann”.
Za čas lětnjeho dźiwadła płaća terminowe změny nastupajo wotewrjenske časy w Serbskim muzeju, na kotrež chcemy tu hišće raz pokazać! Tohodla njewobdźěli so Serbski muzej lětsa na Dołhej nocy kultury w Budyšinje, sobotu 11.06.2016.
Njeprawidłowne wotewrjenske časy su za Was tež do protyki zapisane.
Prošu wobkedźbujće sćěhowace změny:
Za wšě zbytne dny płaća prawidłowne wotewrjenske časy.
| srjedu, dnja 08.06.2016 | Wotewrjenje wustajeńcy “Kusk žiwjenja. K stotym narodninam Jurja Brězana” w 17.00 hodź. |
| sobotu, dnja 11.06. a njedźelu, dnja 12.06.2016 |
wotewrjenski čas: 10.00 – 13.00 hodź. |
| srjedu, dnja 15.06.2016 | wotewrjenski čas: 10.00 – 15.45 hodź. |
| sobotu, dnja 18.06. a njedźelu, dnja 19.06.2016 | wotewrjenski čas: 10.00 – 13.00 hodź. |
| wutoru, dnja 21.06.2016 | Zjawne wjedźenje přez wosebitu wustajeńcu a přednošk k magiskim symbolam wotmějetaj so hižo wutoru, dnja 21.06.2016 w 18.00 hodź. a 19.00 hodź. |
| sobotu, dnja 25.06.2016 | wotewrjenski čas: 10.00 – 13.00 hodź. |
| sobotu, dnja 02.07.2016 | wotewrjenski čas: 10.00 – 13.00 hodź. |
| sobotu, dnja 09.07. a njedźelu 10.07.2016 |
wotewrjenski čas: 10.00 – 13.00 hodź. |
| sobotu dnja 16.07. a njedźelu 17.07.2016 |
wotewrjenski čas: 10.00 – 13.00 hodź. |
Hóstna wustajeńca wo Serbach
Zwučenosć, zo wuhladaš na přichodnym wotewrjenju wosebiteje wustajeńcy Serbskeho muzeja kruh dosć derje znatych, swěrnych wopytowarjow muzeja, njebudźe so tutón raz z wěstotu spjelnić. Hišće do wotewrjenja wustajeńcy k stotym narodninam Jurja Brězana předstaji Serbski muzej Serbow jako lud a jich kulturu w muzeju Deutsches Museum Nordschleswig. Tam wotměwa so tematiske lěto wo Serbach. A tež akcent wustajeńcy „Mały lud. Bohata kultura“ je k wjetšemu podźělej na načasne žiwjenje a Serbstwo wusměrjeny.
Adresa:
Deutsches Museum Nordschleswig
Rønhaveplads 12
DK 6400 Sønderborg
Link: www.deutsches-museum.dk
Hóstna wustajeńca wo Serbach
Zwučenosć, zo wuhladaš na přichodnym wotewrjenju wosebiteje wustajeńcy Serbskeho muzeja kruh dosć derje znatych, swěrnych wopytowarjow muzeja, njebudźe so tutón raz z wěstotu spjelnić. Hišće do wotewrjenja wustajeńcy k stotym narodninam Jurja Brězana předstaji Serbski muzej Serbow jako lud a jich kulturu w muzeju Deutsches Museum Nordschleswig. Tam wotměwa so tematiske lěto wo Serbach. A tež akcent wustajeńcy „Mały lud. Bohata kultura“ je k wjetšemu podźělej na načasne žiwjenje a Serbstwo wusměrjeny.
Adresa:
Deutsches Museum Nordschleswig
Rønhaveplads 12
DK 6400 Sønderborg
Link: www.deutsches-museum.dk
Jutry w Serbskim muzeju
Nimale 1700 turistow, ale tež domoródnych je zaso jutrowny kónc tydźenja wužiło składnosć, sej wobhladać Budyski Serbski muzej, jeho wustajeńcy a debjenje jejkow. Wosebity wjeršk pak bě program sobotu popołdnju w štyrjoch. Před kopaće połnej žurlu wustupištej Marta a Hanka Zahrodnikec z Ćiska hromadźe z maćerju Anett Zahrodnikowej. Serbske stučki na dudach, serbskich husličkach a pišćałce, ale tež krasnje zanjeseny duet “Komu su sněhowki” publikum zahorichu.
Wosebje zajimawe běchu rozłoženja k jutrownym serbskim nałožkam, serbskej drastu a serbskim hudźbnym nastrojam kaž tež situaciji Serbstwa wokoło Wojerec, kotrež wšitcy třo wotměnjejo přewzachu. Hólču drast prezentowaštaj bratr Werner Zahrodnik a přećel Paul Mautz. Připosłucharjo wužichu po tym hišće składnosć k rozmołwje z talentowanej młodej swójbu z Ćiska.
Galerija zaso přistupna
Wot lońšeho nowembra sem je so wobłuk tworjaceho wuměłstwa w našim muzeju z nowej koncepciju wuhotował, přewažnje dla zasadźenja wěstych nowonazběranych twórbow do sstajneje wustajeńcy. To wotmě so w zwisku z twórbami, kotrež su so we wosebitej wustajeńcy “Wuzwolene. Nowonakupjene twórby tworjaceho wuměłstwa.” zdzěla hižo wustajeli.
Tutón wobšěrny projekt njeby so móhł bjez wulkomyslneje pjenježneje podpěry Zwjazkoweho programa “Inwesticije za narodne kulturne zarjadnišća Wuchodneje Němskeje” přez Sakske statne ministerstwo za wědomosć a wuměłstwo kaž tež Wuchodněmsku nalutowansku załožbu hromadźe z Wokrjesnej nalutowarnju Budyšin, Załožbu za serbski lud realizować.
Wšitkim spěchowarjam so dźakujemy, hladajo na nowonakupy poslednich pjěć lět wosebje Załožbje za serbski lud a Sakskim krajnym centrumej za muzejownistwo při Statnych wuměłstwowych zběrkach w Drježdźanach.
Za wšěch zajimowanych rěka to – dalša přičina za wopyt!
Pokiw za debjenje jejkow – z přizjewjenjom
W zwisku z wustajeńcu “Pruhi, kruhi, třiróžki. Pisane serbske jutrowne jejka.” poskićimiy za čas jutrownych prózdninow nimo bosěrowanja tež nawuknjenje technikow škrabanja a wužrawanja.
Kurs wotměje so: Wutoru 29. měrca wot 10.00-12.00 hodź.
Prosymy tohodla wo přizjewjenje!
Dalši praktiski pokiw: Njech sej kóždy, kotryž so na bosěrowanju wobdźěli wudute, běłe jejka sobupřinjese. Štóž chce škrabanje abo wužrawanje zwučować, sej njech wotpowědnje hižo barbjene jejka (wudute abo warjene) sobupřinjese. K tomu jedyn kónčkojty předmjet, z kotrymž hodźi so drobnje dźěłać.
Muzejowy kofej 16.03 – Wuwzaćnje hižo w dwěmaj!
16. měrca 2016 wotměwa so přichodny muzejowy kofej. Na tutym městnje chcemy hišće raz na to skedźbnić, zo započina so tutón raz hižo w dwěmaj.
Přednošk dźerži so w němskej rěči. Tema budźe nałožki nalěća, při ćimž maja so za šěrši němskorěčny a srjedźnoeuropski rum wšelake podobnosće a paralely wobjednawać.
Wjeselimy so na Waš wopyt!
Přednošuje Měrćin Brycka.
Katalog k wustajeńcy “Pruhi, kruhi, třiróžki.” Nětko na předań!
Katalog k wosebitej wustajeńcy “Pruhi, kruhi, třiróžki. Pisane serbske jutrowne jejka” je wušoł. Kniha płaći pola nas 10 €.
Na jednym boku namakaće w tutym katalogu najnowše a najwobšěrniše wědomostne rozestajenje z wuwićom, rozšěrjenjom a pozadkami jejkadebjenja kaž z dalšimi z jejkami zwjazanymi nałožkami. Na druhim boku je cyła kniha jara čitajomna pisana a estetisce wuhotowana. W druhim dźělu knihi předstaja so znaći jejkadebjerjo. Wšo dohromadźe je to prosće idealny dar k jutram.
5. měrca 2016 – Hłowna zhromadźizna Maćicy Serbskeje
Dnja 5. měrca 2016 wotměje so na žurli Serbskeho muzeja lětna hłowna zhromadźizna Maćicy Serbskeje. To je tež za nas jako Serbski muzej wažny podawk, hladajo na historiske wuwiće našeho zarjadnišća. Wjac hač dwaj lětdźesatkaj do załoženja prěnjeho Serbskeho doma nastaji so koncepcija za Serbski muzej wot dr. Arnošta Muki . Wona běše wobšěrna a jara načasna.
Do załoženja Maćicy Serbskeje (delnjoserbsce: Maśica Serbska, załoži so 1880 w Choćebuzu.) wobstachu hižo Maćicy jako wědomostne towarstwa w słowjanskim wukraju, kotrež běchu serbskim prócowarjam znate a ke kotrymž wudźeržowachu dobre styki. Serbski muzej je čłon Maćicy Serbskeje.
Lětsa spominamy na 200. narodniny Jana Arnošta Smolerja. Z tuteje přičiny je so Smolerjowe lěto z mnoho podawkami zarjadowało.
Serbski muzej spěchuje so přez Załožbu za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot zapósłancow Zwjazkoweho sejma, Krajneho sejma Braniborskeje a Sakskeho krajneho sejma, kaž tež přez wokrjes Budyšin a Kulturny rum Hornja Łužica-Delnja Šleska. Serbski muzej je zarjadnišćo wokrjesa Budyšin.
