Na slědy serbskich Wojerec poda so sobotu 10. awgusta Spěchowanske towarstwo Serbskeho muzeja z Budyšina. Bywši referent Domowiny Werner Sroka wjedźeše po měsće, kiž bě něhdy srjedźišćo serbskeje holanskeje kónčiny, 1912 kolebka Domowiny a w 1950ych lětach přechodnje serbski centrum Łužicy. Wo změnach přez industriju, z tym zwjazanym přeněmčenjom a wo róli šule w běhu časow zhonichu zajimcy w šulskej a domizniskej stwě w Ptačecach wot Martiny Pečikoweje.