“Wotmolowane. Historiske fotografije ze serbskeje Łužicy. Wot swojich spočatkow hač do 1930tych lět.”

09.10.2016 – 05.03.2017

Wosebita wustajeńca pokazuje započatki fotografiskeho tworjenja w serbskej Łužicy, wosebje hdy a kak so serbskosć při zwobraznjenju jewi. Wustajene wobrazy dokumentuja prěnje 80 lět fotografiskich stawiznow. Mnoholičbne fotografije we wšelakich archiwach Horneje a Delneje Łužicy su so přehladali a wuhodnoćeli, zo by so wobšěrne zasopodaće zažneje fotografije radźiło. Tak předleža fotografije z 1850ych lět, kotrež so k prěnjemu razej zjawnje wustaja.

Nimo přibližnje 180 originalnych wobrazow, pokazujetej so tež digitalizowanej albumaj na monitoromaj. Historiska fotografiska technika a fotografiski atelier z časa wokoło 1900 wudospołnjetaj wustajeńcu.

Kurator wustajeńcy je znaty fotografikar Jürgen Maćij.

Dźakujemy so: Serbskemu kulturnemu archiwej Budyšin, Muzejej Budyšin, Farskemu archiwej Swj. Mikławš Budyšin, archiwej Klóštra Marijna Hwězda w Pančicach, Muzejej Hroda Wojerecy, Serbskemu muzejej Chóśebuz, Měšćanskemu muzejej/ archiwej města Chóśebuz, muzejej “Hród a twjerdźizna Zły Komorow”,  Měšćanskemu muzejej Połčnica, Měšćanskemu archiwej Kamjenc, “Fotoatelier Steffen” Bórk/ Błóta a wšitkim priwatnym wupožčowarjam.