Pod hesłom “Muzeje z wjeselom wotkryć” móže so Serbski muzej mjez 10 a 18 hodź. darmo wopytać. Trajna wustajeńca k stawiznam, rěči a kulturje Serbow kaž tež wosebita wustajeńca „Čej´da sy?“ skića mnoho wotměny.

W 15 hodź. wjedźe kuratorka Andrea Pawlikowa w němskej rěči po wustajeńcy „Čej´da sy?“ a w 16 hodź. w serbskej rěči. Wustajeńca ma za kóždu generaciju zajimawe fakty přihotowane. Zdobom postaraja so eksponaty, fota a medialne elementy wo wotměnjace posrědkowanje wobsahow. Tuž pohladajće do pisaneje prismy wustajeńcy.