“Lejpold. Korčma při serbskim highwayju ”
Hižo přez 200 lět steji při dróze mjez Chróšćicami a Delanami něhdyši hosćenc. Mjez domoródnymi jako “Lejpold” znaty, liči k poslednim hišće zdźeržanym tykowanym domam. Ludźo chodźachu tam na piwo, towarstwa so zetkawachu a samo křćeńcy a kwasy so tu swjećachu. Jako swójbny statok běše we wobsydstwje swójby Opicec, pozdźišo Brankačkec a Šenkec. Wo stawiznach a namakankach za starymi murjemi rěči Daniela Heckowa, rodźena Šenkec.