05.07.2015 – 31.01.2016 Nowonakupy poslednich pjeć lět so wustajeja

Serbski muzej wobsedźi najwuznamnišu zběrku serbskeho tworjaceho wuměłstwa.
Jeničce přez mnohe pokiwy, pomoc wot wonka a stajnu zběraćelsku prócu je so w běhu poslednich pjeć lětach radźiło, tute dźěłowe polo we wjetšej měrje posłužować.
Serbski muzej staji sebi nětko nadawk, wuběrk tutych nowonakupow zjawnosći předstajić.

Ćežišćo wosebiteje wustajeńcy twori konwolut dźěłow šěsć tučasnych wuměłcow, kotryž je so w poslednym lěće kupił. Jedna so wo dźěła Jana Buka, Uwe Häntscha, Jürgena Maćija, Jutty Měrćinoweje, Sophie Natuškec a Maje Nageloweje.
Cyłkownje je so 208 twórbow nakupiło.

W běhu poslednich pjeć lět kupichu abo darichu so muzejej mjez druhim dźěła Ante Trstenjaka, Conrada Felixmüllera, Priscilly Ann Siebertoweje, Ludvika Kuby kaž tež Józefa Brandta.
Wšo dohromady wustaja so dźeła 25 wuměłcow wšelakich dobow a stilow.

Wosebita wustajeńca „Wuzwolene. Nowonakupjene twórby tworjaceho wuměłstwa“ je jedyn z wjerškow zběraćelskeho dźěła a wuswětluje dźěle muzejowneho dźěła, kotrež zwjetša zjawne widźeć njejsu.

Bjez wulkomyslneje podpěry našich spěchowarjow a darićelow njeby so tutón projekt móhł přesadźić. Wutrobny dźak z našeje strony: