Wjedźenje w serbskej rěči | Führung in sorbischer Sprache

W běhu swojich stawiznow je serbski lud přećelske zwiski z druhimi słowjanskimi ludami wzajomnje pěstował. Tute lětstotki dołhe wliwy su tež w zběrkach Serbskeho muzeja swoje jasne slědy zawostajili. Někotre z nich móžeće sej w trajnej wustajeńcy wobhladać. Přeprošujemy Was na wosebite wjedźenje, kotrež Wam wubrane dokumenty kulturneje a wědomostneje wuměny pokaza a rozłoži.