20.9.2020 – 30.5.2021

W tworjenju słowjenskeho wuměłca Ante Trstenjaka (1894–1970) hraje Łužica bytostnu rólu. Fascinowany wo mnohostronskosći narodneje drasty serbskich žonow a holcow pućowaše po Hornjej a Delnjej Łužicy za studije, kotrež spožčichu hač do 1960tych lět jeho wuměłskemu tworjenju charakteristiski raz. Hižo w času jeho prěnjeho přebywanja we Łužicy 1928 nasta 30 mólbow kaž tež tójšto skicow a naćiskow. Nimo motiwow z narodnej drastu jewja so krajiny kaž tež měšćanske a wjesne napohlady. Praha běše dołho domizna wuměłca: Studowaše na Praskej Akademiji za tworjace wuměłstwo (1920–1923) a skutkowaše tu hač do swojeho přesydlenja do słowjenskeho Maribora w lěće 1950. W času jeho studijnych lět nasta přeće, Łužicu a serbsku narodnu drastu zapopadnyć. Wuchadźišćo za to bě 1922 w Praze wustajeny Łužiski cyklus čěskeho molerja Ludvíka Kuby.

We wustajeńcy Barby daliny pokazuje so Ante Trstenjakowe Łužiske dźěło w swojej cyłej časowej hłubokosći a prezentuje so porno wuzwolenym twórbam Ludvíka Kuby. Nimo toho předstajeja so dalše, dotal mało znate twórby wuměłca z 1920tych a 1930tych lět. Předewšem w Francoskej nastate dźěła swědča wo jeho mišterstwje jako akwarelist.

W lěće 1961 nasta wobšěrny cyklus monotypijow pod titulom Lužičanke (Serbowki). Wone tworja dalše ćežišćo wustajeńcy. Wuměłsce liča wone k Trstenjakowym najlěpšim twórbam na polu ćišćaneje grafiki. Serbowki w swojich narodnych drastach su Ante Trstenjaka potajkim přez wjacore lětdźesatki inspirowali.

Wustajeńca a ju přewodźacy katalog Serbskeho muzeja w Budyšinje nastaštej we wuskim zhromadnym dźěle z Wuměłskej galeriju Maribor (Umetnostna galerija Maribor) a Narodnym muzejom w Praze (Národní muzeum, Praha) kaž tež z dalšimi partnerami w tu- a wukraju. Katalog k wustajeńcy je hakle druha wobšěrniša monografija wo wuměłcu.

Im Werk des slowenischen Künstlers Ante Trstenjak (1894–1970) nimmt die Lausitz eine wesentliche Rolle ein. Fasziniert von den vielfältigen Trachten sorbischer Frauen und Mädchen bereiste er die Ober- und Niederlausitz für Studien, die sein künstlerisches Schaffen bis in die 1960er Jahre prägten. Bereits während seines ersten Lausitzer Aufenthalts 1928 entstanden 30 Gemälde sowie zahlreiche Skizzen und Entwürfe, neben Trachtdarstellungen auch Landschaftsbilder, Stadt- und Dorfansichten. Prag war lange die Heimat des Malers: Er studierte an der Akademie für bildende Künste (1920–1923) und wirkte hier bis zur seiner Übersiedlung in das slowenische Maribor 1950. Während der Studienzeit prägte sich sein Wunsch, die Lausitz und ihre sorbischen Trachten festzuhalten. Maßgeblich dafür war der 1922 in Prag ausgestellte Lausitzer Werkzyklus des tschechischen Malers Ludvík Kuba.

In der Ausstellung Farben der Ferne wird das Lausitzer Werk Trstenjaks in seiner gesamten zeitlichen Tiefe präsentiert und ausgewählten Werken Ludvík Kubas gegenübergestellt. Darüber hinaus sind weitere, weitgehend unbekannte Arbeiten Trstenjaks aus den 1920er und 1930er Jahren zu sehen. Gerade die in Frankreich entstandenen Arbeiten zeugen von seiner Meisterschaft als Aquarellist.

Ante Trstenjaks Monotypien-Serie Lužičanke (Sorbinnen) entstand 1961 in Maribor. Sie bildet einen weiteren Schwerpunkt der Ausstellung. Künstlerisch zählen die Monotypien zu seinen besten druckgrafischen Werken. Sorbinnen in ihren Trachten haben Trstenjak folglich über mehrere Jahrzehnte inspiriert.

Ausstellung und Begleitkatalog des Sorbischen Museums in Bautzen entstanden in enger Kooperation mit der Umetnostna galerija Maribor und dem Národní muzeum, Prag sowie weiteren Partnern im In- und Ausland. Der Ausstellungskatalog ist erst die zweite umfangreichere Monografie zum Künstler.