Zarjadowanja k jutram
Debjenje a wiki jutrownych jejkow, wot 15. do 18. apryla 2022
Wot wulkeho pjatka hač do jutrowneje póndźele wustajeja a předawaja ludowi wuměłcy debjenje jutrowne jejka w šulskim kabineće muzeja.
Jutrowny koncert na žurli 16. apryla 2022
Na jutrownej soboće witamy hosći w 15 hodź. na nalětni program chóra „Budyšin“ na žurli.
Wosebitej wustajeńcy do 24. apryla 2022
Jutry w Serbach
5 x Němska po wšěm swěće. W špihelu migracije
Tu přehladka jako PDF-ka: jutrowne zarjadowanja 2022_Serbski muzej
Kofej w třoch, 30. měrca: “Pječwo k róčnym časam”
Pječwo k róčnym časam
Što ma plečena całta ze zelenym štwórtkom činić a kotra symbolika so za njej chowa? W běhu lěta mamy tójšto pječwow, kiž su na krute terminy wjazane. Něšto wšak maja wšitke zhromadne – wone so na kóncu zjědźa.
Serbski muzej přeprošuje na přednošk z woptawanjom. Přednošuje kuratorka Andrea Pawlikowa
Serbske wjedźenje, njedźelu, 20. měrca w 16 hodź.
“5 x Němska po wšěm swěće. W špihelu migracije”
Fotowa wustajeńca wobswětluje potomnikow němskich wupućowarjow na 5 kontinentach swěta, kotřiž běchu w zašłych lětstotkach Němsku wopušćili. Su to Němcy w Brazilskej, Mexiku, Rumunskej, Ruskej a w Južnej Africe. Za to poda so Hamburgski fotograf Jörg Müller na jězbu, zo by ludźi a jich žiwjensku stawiznu dokumentował. Wustajeńca sposrědkuje wobhladowarjej zaćišć wo tym, na kotre wašnje so dźensa hišće němska rěč a kultura pěstujetej. Přizjewjenja pod ticket@sorbisches-museum.de abo 03591 270 8700.
Dźěłarnički debjenja jutrownych jejkow
Wot 26. měrca do 10. apryla wobsteji na kónc tydźenjach móžnosć so na dźěłarničce za bosěrowanje a wóskowanje jutrownych jejkow pod nawodom wěcywustojnych ludowych wuměłcow wobdźělić.
so 26.03.2022 skupina 1: 13 – 15 hodź. a skupina 2: 15 – 17 hodź.
nje 27.03.2022 skupina 1: 13 – 15 hodź. a skupina 2: 15 – 17 hodź.
so 02.04.2022 skupina 1: 13 – 15 hodź.
nje 03.04.2022 skupina 1: 13 – 15 hodź. a skupina 2: 15 – 17 hodź.
so 09.04.2022 skupina 1: 13 – 15 hodź. a skupina 2: 15 – 17 hodź.
nje 10.04.2022 skupina 1: 13 – 15 hodź. a skupina 2: 15 – 17 hodź.
Zastup za dźěći płaći 5,00 €, za dorosćenych 7,50 € a za swójby 16,00 €. Kóždy wobdźělnik dóstanje jedne jejko, pjerka a jehlički. Kóžde dalše jejko płaći 0,50 €. Prošu wobkejdźbujće wobstejace hygieniske předpisy pandemije dla.
Prosymy wo wjazowace přizjewjenje pod ticket@sorbisches-museum.de abo 03591 270 8700.
Wjedźenje, njedźelu, 27.02.2022 w 16 hodź. (serbsce)
Fotowa wustajeńca wobswětluje potomnikow němskich wupućowarjow na 5 kontinentach swěta, kotřiž běchu w zašłych lětstotkach Němsku wopušćili. Su to Němcy w Brazilskej, Mexiku, Rumunskej, Ruskej a w Južnej Africe. Za to poda so Hamburgski fotograf Jörg Müller na jězbu, zo by ludźi a jich žiwjensku stawiznu dokumentował. Wustajeńca sposrědkuje wobhladowarjej zaćišć wo tym, na kotre wašnje so dźensa hišće němska rěč a kultura pěstujetej. Přizjewjenja pod ticket@sorbisches-museum.de abo 03591 270 8700.
Prózdninska zabawa w Serbskim muzeju!
15.02.2022 w 10 hodź.
Kak nastanje z lena płat?
Podamy so do raja serbskich bajow, hdźež wotmołwu namakamy. Woprašejće so připołdnicu, wurlawu a lutka. Wone wam stawiznički k tomu powědaja. Zaběramy so ze starymi zapřiječemi kołowokoło kołwróta. Naposledk spyta kóždy nitku na kołwroće napřasć a najlubšu postawu rysować.
Z přizjewjenjom pod ticket@sorbisches-museum.de abo 03591 270 8700. Prosymy pandemiskich přičin dla dźěći doma abo tež darmotnje w muzeju testować dać. přinošk: 3,50 €
24.02.2022 w 10 hodź.
Zhotowjenje swójskeje witeje klanki
Pod nawodow nastanu płatowe klanki za přitulenje po wašich předstawach. Hač bajowe postawy, najlubše zwěrjatko abo fantazijowe figury, z tróšku wušiknosću a sćerpnosć nastanu cyle wosobinske figury.
Z přizjewjenjom pod ticket@sorbisches-museum.de abo 03591 270 8700. Prosymy pandemiskich přičin dla dźěći doma abo tež darmotnje w muzeju testować dać. přinošk: 6,00 €
Nowe wustajeńske tafle słowjanskeho a serbskeho sydlenskeho ruma
Nowe tafle z aktualizowanym stawom serbskeho sydlenskeho ruma informuja wopytowarjow wot srjedźowěka do přitomnosće. Kuratorka Andrea Pawlikowa a grafikar Ralf Reimann staj karty z pomocu předležacych wědomostnych slědźenjow wuwiłoj. Tak nadeńdźeće zajimawe fakty k sydlenju Słowjanow w zažnym srjedźowěku a wosebje tež změny přez lětstotki hač do dźensnišeho serbskeho teritorija Hornjeje a Delnjeje Łužicy.
Krajnoradny zarjad Budyšin wupisa sćěhowace městno Serbskeho muzeja
Projektna asistenca (cyfra 249-21)
Stejnišćo Serbski muzej so w slědowacych lětach dale wuwiwa. Projektny cil je postajenje “Serbskeho foruma wědy při Lawskim arealu” (dźěłowy titul) w Budyšinje. Z „Forumom wědy“ ma so tworić inowatiwne a načasnym žadanjam wotpowědowace nowe stejišćo za Serbski institut a Serbski muzej.
Podpěra wjednistwa muzeja při operatiwnych, strategiskich a wědomostno-fachowych nadawkach we wobłuku projekta steji w srjedźišću.
Waše nadawki mjez druhim su:
- wobsahowe a organizatoriske sobuskutkowanje při nastajenju noweje koncepcije trajneje wustajeńcy w Serbskim muzeju
- asistenca při wusměrjenju dźělneho projekta Serbskeho muzeja we wobłuku cyłkowneho procesa w zhromadnym dźěle wobdźělenych projektnych partnerow pod nawodom Załožby za serbski lud
Powabjenski čas kónči so 30.01.2022. Dospołne wupisanje namakaće pod https://www.landkreis-bautzen.de/stellen-und-ausbildungsangebote.php.
Wopyt Serbskeho muzeja zaso móžny!
Wot wutory, 18. januara 2022, móže so Serbski muzej pod wuměnjenjom 2G wopytać. Přistup maja wosoby z płaćiwym a dospołnym dopokazom wustrowjenja abo šćěpjenja. Wosoby, kiž strowotnych přičin dla doporučenje za šćěpjenje přez STIKO nimaja, smědźa test předpołožić. Tež dźěći a młodostni pod 16 lětami su přez prawidłowne testowanje w šulach z tutych zasadow wuswobodźeni.
Wosebita wustajeńca “5 x Němska po wšěm swěće” je hač do 24. apryla 2022 podlěšena. Přejemy Wam wjele wjesela!
Serbski muzej wot 15.11.2021 zawrjeny
Wustajeńcy Serbskeho muzeja su jenož hišće tón kónc tydźenja přistupne. Tuž wužijće składnosć wopyta wosebiteje wustajeńcy “5 x Němska po wšěm swěće. W špihelu migracije“. Wot póndźele, 15.11.2021 je Serbski muzej za njewěsty čas zawrjeny. Wšitcy sobudźěłaćerjo muzeja su do Strowotniskeho hamta wotrjadowane. We wažnych padach móžeće nas pod 03591 270 870 0 abo sekretariat@sorbisches-museum.de docpěć. Wostańće strowi!