Studentka muzeologije na praktikumje
Ja rěkam Luise Körber, pochadźam z Drježdźan a studuju muzeologiju na Wysokej šuli za techniku, hospodarstwo a kulturu w Lipsku. Přichodne połlěto zaběram so ze zběrku Serbskeho muzeja. W času praktikuma chcu mjez druhim slědźić a w nowym magacinje inwentarizaciju podpěrać. A wězo tak wjele kaž móžno w muzeju zeznać a tróšku serbsce wuknyć!
IKW: Wjedźenje z Maju Nagelowej, 18.9.21 w 17 hodź.
Wustajeńca “machot časa. wot běłeho k čornemu”
Rysowanki a grafiske łopjena Maje Nageloweje prezentuja hłownje nowe dźěła jeje wuměłskeho tworjenja. Při tym wobjednawaja wuhlowe rysowanki, raděrowanki kaž tež instalacije filozofiske a towaršnostne temy.
přizjewjenja: 03591 270 870 0, ticket@sorbisches-museum.de abo spontanje
Spominanske zarjadowanje “Dr. Marja Grólmusec – dodnić a domyslić” 17.9.2021
Składnostnje 125. posmjertnych narodnin dr. Marje Grólmusec (24.4.1896 – 6.8.1944) wotměwa so wosebite zarjadowanje z wjedźenjom a přednoškom.
W 15.30 hodź.
wjedźetej wuměłča Maja Nagelowa a direktorka Christina Boguszowa po wustajeńcy “machot časa. wot běłeho k čornemu”.
W 17 hodź.
Přizamknje so zarjadowanje “Žona(y) ze zamołwitosću” z přednoškom, podijowej rozmołwu a hudźbnym wobrubjenjom.
Flyer zarjadowanja_dr. Maria Grólmusec
Zajimcy so prošu pod 03591 270 870 0 abo ticket@sorbisches-museum.de přizjewja. (wobdźělenje po płaćiwych hygieniskich naprawach)
Dźeń wotewrjeneho pomnika – 12.9.2021
Sólnica – sudnistwo – Serbski muzej: „Byće a zdaće“ – pod tutym hesłom wotměwa so lětuši dźeń pomnikow.
Na srjedźowěkowskim hrodźišću Milčanow bu 1782 sólnica natwarjena, kiž składowaše sól za Budyski kraj. Wot 1869 so dom po přetwarje jako sudnistwo wužiwaše. Hakle wot lěta 1974 so tu na městnje Serbski muzej zadomi, zběrka a narodne herbstwo pak sahatej wróćo do lěta 1856. Na žurli kaž tež na dalšich stacijach so stawizny domu pokazuja. Nimo toho móže so tež wosebita wustajeńca „machot časa. wot běłeho k čornemu“ wopytać. zastup darmotny
Wuměłska dźěłarnička, sobotu dnja 18.9.2021
Za młodnostnych a dorosćenych přewjedźe wuměłča Maja Nagelowa, sobotu dnja 18.9.2021 wot 10 do 16 hodź. wuměłsku dźěłarničku “wot běłeho k čornemu”. Wuchadźišćo leži we wotwažowanju grafiskich srědkow: so zeznajomnić a wuspytać wšelake rysowanske materialije kaž tuša, wuhlo, wołojnik, grafit, marker a fineliner. Zmysł leži w tym, so sensibilizować dać wot njekónčnych móžnosćow mjez běłym a čornym. Wobdźělnicy zeznaja hru z liniju, blakom, strukturu a płoninu. Kotry wuraz nastanje? Na kóncu so dźiwaš, kotre předmjety a temy hodźa so z čornym zwuraznić.
přinošk: 15 €
přizjewjenje pod: ticket@sorbisches-museum.de, 03591 270 870 0
Prózdninske poskitki
Lube dźěći, hač do 31.8.2021 wotměwaja so stajnje wutoru a štwórtk prózdninske poskitki w 10 hodź. Štóž ma zajim, so njech pod ticket@sorbisches-museum abo 03591 270 870 0 přizjewi. Wjeselimy so na WAS!
- 17.8.2021: Na slědach serbskich bajow
- 19.8.2021: Milčenjo a słowjanski srjedźowěk
- 24.8.2021: Moje žiwjenje – moja stawizna
- 26.8.2021: čorno-běłe wuměłstwo
- 31.8.2021: Na slědach serbskich bajow
Dźěłarnička za młodostnych “wot běłeho k čornemu”, 17.7.2021 wot 10-16 hodź.
Wuchadźišćo leži we wotwažowanju grafiskich srědkow: so zeznajomnić a wuspytać wšelake rysowanske materialije kaž tuša, wuhlo, wołojnik, grafit, marker a fineliner.
Zmysł leži w tym, so sensibilizować dać wot njekónčnych móžnosćow mjez běłym a čornym. Wobdźělnicy zeznaja hru z liniju, blakom, strukturu a płoninu. Na kóncu so dźiwaš, kotre předmjety a temy hodźa so z čornym zwuraznić.
kurs nawjeduje wuměłča Maja Nagelowa, kurs płaći 10 €, wot 14 lět, zawjazowace přizjewjenje hač do 10.7.2021 pod ticket@sorbisches-museum.de abo 03591 270 870 20
Zarjadowanja “Barby daliny”
Sobotu, dnja 29. meje kaž tež njedźelu, 30. meje so wotewrjenski čas wo hodźinu podlěši. Wot 10 do 19 hodź. móže so po knihowanju termina muzej wopytać. Wjedźenja we wosebitej wustajeńcy „Barby daliny. Moler Ante Trstenjak a Łužiscy Serbja“ so takle přewjedu:
- 29.5.2021: 10 hodź. swójbne wjedźenje, 15 hodź. kuratorske wjedźenje w němskej rěči, 16 hodź. kuratorske wjedźenje w serbskej rěči. Po přizjewjenju a wobmjezowanje na 10 wosobow. Liča so dorosćeni kaž tež dźěći.
- 30.5.2021: 14 hodź. swójbne wjedźenje, 15 hodź. kuratorske wjedźenje w němskej rěči, 16 hodź. kuratorske wjedźenje w serbskej rěči. Po přizjewjenju a wobmjezowanje na 10 wosobow. Liča so dorosćeni kaž tež dźěći.
“Łužiscy Serbja, njeznaći susodźa”
Serbskej wustajeńcy w Libercu
Wustajeńca “Lužičtí Srbové, neznámí sousedé / Łužiscy Serbja, njeznaći susodźa” so wot 3.5.2021 do 28.5.2021 w Regionalnej wědomostnej bibliotece w Libercu pokazuje. Na iniciatiwu towarstwa Societas Amicuum Liberec (SAL) zestaji Serbski muzej tutu prezentaciju, kotruž towarstwo w susodnym kraju natwari. Postrowne słowa a wotewrjenske zarjadowanje su na YouTube wozjewjene. Z pomocu srědkow Němsko-Čěskeho fonda přichoda wuńdźe specielna publikacija k wustajeńcy. W zwisku z prezentaciju so tři přednoški online poskićeja.
W Liberecu pokazuje so tuchwilu we wobłuku Serbskeho lěta tež personalna wustajeńca wuměłče Maje Nageloweje “na okraji- na kromje” w Galerie Lázně, kiž bu hač do kónca meje podlěšena.
Wobě zarjadnišći stej zaso normalnje přistupnej. Dalše informacije pod www.salliberec.cz
Wupisanje dźěłoweho městna: wědomostna wolontarka /wědomostny wolontar (cyfra: 029-21)
Nadawki w Zarjedźe za wokrjesne wuwiće/w Serbskim muzeju
- wědomostne slědźerske dźěło we wobłuku serbskich kulturnych stawiznow
- fachowědomostne wudźěłanje wustajenskich koncepcijow a publikacijow
- wědomostna dokumentacija a techniska systematizacija muzejoweho wobstatka přez
- inwentarizaciju a archiwizowanje
- zjawnostne dźěło a kulturne sposrědkowanje přez wjedźenja, přednoški a prezentacije
- na projekty poćahowane sobudźěło we wobłuku muzejoweje pedagogiki
Požadanski čas kónči so 07.04.2021.
Wupisanje dźěłoweho městna: wolontariat kulturne stawizny 2021